బాహుబలి కంక్లూజన్ సెన్సార్ టాక్

ప్రపంచవ్యాప్తంగా సినీ అభిమానులు ఎదురుచూస్తున్న బాహుబలి కంక్లూజన్ సోమవారం సెన్సార్ సభ్యుల ముందుకు వెళ్లింది. దర్శకధీరుడు ఎస్.ఎస్.రాజమౌళి వెండితెరపై చెక్కిన శిల్పాన్ని ముందుగా చూసిన సెన్సార్ సభ్యులు ఆశ్చర్య పోయారు. రెండుగంటల 45 నిమిషాల నిడివిగల సినిమాని కళ్ళార్పకుండా చూసినట్లు తెలిసింది. బాహుబలిని కట్టప్ప ఎందుకు చంపాడని విషయాన్నీ జక్కన్న చూపించిన విధానం కన్నీరు తెప్పిస్తుందని సమాచారం. బాహుబలి, భల్లాల దేవా మధ్య పోరాటం అద్భుతమని వారు ప్రశంసించారు.

బాహుబలి 2 కి ఎటువంటి కట్స్ చెప్పకుండా యూఏ సర్టిఫికెట్ ని అందించారు. ప్రభాస్, రానా, అనుష్క, తమన్నా, సత్యరాజ్, రమ్యకృష్ణ తదితరులు పోటాపోటీగా నటించిన ఈ మూవీ మరో పది రోజుల్లో (ఏప్రిల్ 28 ) థియేటర్లోకి రానుంది. రీసెంట్ గా వచ్చిన ట్రైలర్, పాటలు యూట్యూబ్ లో సంచలనం సృష్టిస్తోంది. భారీ అంచనాలున్న ఈ మూవీ వెయ్యికోట్ల కలక్షన్స్ రాబడుతుందని ట్రేడ్ వర్గాల వారు అంచనా వేస్తున్నారు.

Also, do SUBSCRIBE to our YouTube channel to get latest Tollywood updates.