OG: ఫ్యాన్స్ కు ఇది బ్యాడ్ న్యూసే..

పవర్ స్టార్ పవన్ కళ్యాణ్ (Pawan Kalyan) అభిమానులు ఆయనను రాజకీయ నాయకుడిగానే కాకుండా సిల్వర్ స్క్రీన్ పై హీరోగా కూడా చూడాలని వేచిచూస్తున్నారు. ప్రస్తుతం చేతిలో ఉన్న మూడు భారీ ప్రాజెక్ట్స్‌ ‘హరిహర వీరమల్లు  (Hari Hara Veera Mallu)  ,’ ‘ఓజీ, (OG Movie)’ ‘ఉస్తాద్ భగత్ సింగ్’ (Ustaad Bhagat Singh) చిత్రాలపై భారీ అంచనాలు నెలకొన్నాయి. అయితే ఈ మూడు సినిమాల రిలీజ్ షెడ్యూల్‌ ఎప్పుడు ఉంటుందన్నది పవన్ అభిమానుల్లో పెద్ద ప్రశ్నగా మారింది. ‘హరిహర వీరమల్లు’ సినిమాకు సంబంధించిన షూటింగ్ ఇటీవల మళ్లీ ప్రారంభమైంది.

OG

ఈ చిత్రం 2025 మార్చి 28న విడుదల కాబోతుందని ఇప్పటికే అధికారికంగా ప్రకటించారు. పవన్ కళ్యాణ్ వారానికి కొన్ని రోజులు మాత్రమే షూటింగ్‌కు కేటాయిస్తుండటంతో ఈ సినిమా షూటింగ్ ఈ ఏడాది చివరి నాటికి పూర్తవుతుందనే ఊహాగానాలు ఉన్నాయి. ఇక సుజీత్ దర్శకత్వంలో తెరకెక్కుతున్న ‘ఓజీ’ (OG) సినిమా కూడా త్వరలో పూర్తి చేయాలని మేకర్స్ ప్లాన్ చేస్తున్నారు. పవన్ ఫ్యాన్స్ ఫోకస్ ఎక్కువగా ఈ సినిమాపైనే ఉంది.

అయితే ఈ సినిమా ఎప్పుడు విడుదల అవుతుందనేది ఇంకా స్పష్టత లేదు. మొదట్లో ఈ చిత్రాన్ని 2025 ఏప్రిల్‌లో విడుదల చేయాలని భావించినప్పటికీ, ఇప్పుడు ‘హరిహర వీరమల్లు’ ముందుగా రిలీజ్ అవుతుండటంతో ‘ఓజీ’ దసరా 2025కి షెడ్యూల్ చేయబడుతుందని సమాచారం. అంటే మరో ఏడాది ఎదురు చూడాల్సిందే. ఇక వీరమల్లు వచ్చే వరకు అప్డేట్స్ కూడా పెద్దగా ఉండకపోవచ్చు.

సాంగ్స్ టీజర్ లాంటివి వచ్చే ఏడాది సమ్మర్ తరువాతే ఉంటాయి. అంతేకాకుండా హరీష్ శంకర్ (Harish Shankar) దర్శకత్వంలో రూపొందుతున్న ‘ఉస్తాద్ భగత్ సింగ్’ కూడా 2025లోనే విడుదల కాబోతోందట. అయితే, ఈ సినిమాకు సంబంధించి పవన్ రాజకీయ షెడ్యూల్స్ కారణంగా మరింత ఆలస్యం కావచ్చని సమాచారం. మొత్తానికి, పవన్ అభిమానులు ఆయన్ని స్క్రీన్‌పై చూడాలంటే మరో సంవత్సరం పాటు వేచిచూడాల్సిందే.

సూర్య కోసం ప్రభాస్ సరిపోడా.. మరో స్టార్ కూడా..?