సూర్య (Suriya) హీరోగా, శివ (Siva) దర్శకత్వంలో తెరకెక్కిన భారీ పాన్ ఇండియా చిత్రం ‘కంగువా’ (Kanguva) నవంబర్ 14న ప్రేక్షకుల ముందుకు రాబోతోంది. ఈ చిత్రం 8 భాషల్లో ఒకేసారి విడుదల అవుతుండటం విశేషం. ఇప్పటికే మంచి హైప్ క్రియేట్ చేసుకున్న ఈ చిత్రం యూవీ క్రియేషన్స్, స్టూడియో గ్రీన్ సంస్థల సంయుక్త నిర్మాణంలో రూపొందింది. ఫిక్షనల్ ఫాంటసీ బ్యాక్‌డ్రాప్‌లో తెరకెక్కిన ఈ సినిమా టీజర్‌కు కూడా మంచి స్పందన వచ్చింది.ఇక ఆడియో రిలీజ్ ఈవెంట్‌ను గ్రాండ్‌గా నిర్వహించేందుకు మేకర్స్ సన్నాహాలు చేస్తున్నారు.
అక్టోబర్ 26న చెన్నైలోని నెహ్రూ ఇండోర్ స్టేడియంలో జరిగే ఈ వేడుకకు ఇద్దరు సూపర్ స్టార్‌లు హాజరు కానున్నారంట. ఎలాగైనా ఈ సినిమాతో గ్రాండ్ సక్సెస్ అందుకోవాలి అని నిర్మాతలు భారీ ఆశలు పెట్టుకున్నారు. ఏకంగా 2000 కోట్లు కాయమని కూడా ఇంటర్వ్యూలలో బాగానే లేపుతున్నారు.యూవీ క్రియేషన్స్ బ్యానర్ ప్రభాస్‌కు (Prabhas) సొంత బ్యానర్ లాంటిదని, అందుకే ప్రభాస్ ఈ ఈవెంట్‌కు హాజరవుతారని టాక్. అయితే ప్రభాస్ సరిపోడు అనుకున్నారో ఏమో గాని మరో అగ్ర హీరోను కూడా తీసుకు వస్తున్నారు.
డైరెక్టర్ శివ రజినీకాంత్‌తో (Rajinikanth) ‘అన్నాత్తే’ చిత్రం చేసిన అనుబంధంతో రజినీకి కూడా ఆహ్వానం అందింది. ఇద్దరూ స్టేజ్‌పై ఉన్న సీన్ కచ్చితంగా ఈ ఈవెంట్‌కు పెద్ద హైలైట్‌గా నిలుస్తుంది. ఫ్యాన్స్ ఎప్పుడెప్పుడా అని ఎదురుచూస్తున్న ఈ మ్యూజికల్ నైట్, మూవీ ప్రమోషన్స్‌కు అద్భుతంగా తోడ్పడనుంది. ఇకపోతే, ఈ ఈవెంట్‌లోనే ‘కంగువా’ సెకండ్ సాంగ్‌ను కూడా అక్టోబర్ 21న రిలీజ్ చేయబోతున్నారు.
రాక్ స్టార్ దేవిశ్రీ ప్రసాద్ (Devi Sri Prasad) సంగీతం అందించిన ఈ చిత్రానికి ఇప్పటికే టీజర్ ద్వారా మ్యూజిక్ ప్రామిసింగ్ అని ప్రేక్షకులు అంచనా వేశారు. కోలీవుడ్ నుంచి ఈ చిత్రం భారీ కలెక్షన్లు సాధించే అవకాశాలు ఉన్నాయని సినీ విశ్లేషకులు అభిప్రాయపడుతున్నారు. కోలీవుడ్ ఇండస్ట్రీకు ఇంకా 1000 కోట్ల క్లబ్ రికార్డు లేదు. మరి ‘కంగువా’ ఆ ఘనతను అందిస్తుందా లేదా అనేది వేచి చూడాలి.
Home