స్టార్ డైరెక్టర్ ప్రశాంత్ నీల్ కథ అందించిన బఘీరా టీజర్ తాజాగా విడుదలైంది. కన్నడ స్టార్ హీరో శ్రీ మురళి హీరోగా డాక్టర్ సూరి డైరెక్షన్ లో ఈ సినిమా తెరకెక్కగా టీజర్ ప్రేక్షకులను ఎంతగానో ఆకట్టుకుంటోంది. ఈరోజు హీరో శ్రీ మురళి పుట్టినరోజు కావడంతో మేకర్స్ ఈ టీజర్ ను రిలీజ్ చేశారు. ప్రశాంత్ నీల్ కథ అందించడం వల్ల ఈ సినిమాపై అంచనాలు పెరగగా టీజర్ ఆ అంచనాలను అందుకుంది.
ప్రశాంత్ నీల్ మార్క్ డార్క్ షేడ్స్ తో ఈ మూవీ తెరకెక్కింది. (Bagheera) ఈ టీజర్ కు 3 గంటల్లో ఏకంగా 12 లక్షల వ్యూస్ వచ్చాయి. టీజర్ లో హీరో పాత్రను వేర్వేరు లుక్స్ లో చూపించగా కాన్సెప్ట్ గురించి కూడా కొన్ని హింట్స్ ఇచ్చారు. “ఎప్పుడైతే సమాజం అడవిలా మారుతుందో ఆ సమయంలో వేటగాడు న్యాయం కోసం గర్జిస్తాడు” అనే కాన్సెప్ట్ తో ఈ సినిమా తెరకెక్కుతోంది. కన్నడ ఇండస్ట్రీ స్థాయిని ఈ సినిమా మరింత పెంచే ఛాన్స్ ఉంది.
ఉగ్రమ్ ఫేమ్ శ్రీ మురళి ఈ సినిమాతో సక్సెస్ ను అందుకుంటానని నమ్మకంతో ఉన్నారు. అజనీష్ లోకనాథ్ ఈ సినిమాకు మ్యూజిక్ అందిస్తుండగా టీజర్ కు బీజీఎం హైలెట్ గా నిలిచింది. ఈ సినిమాను పాన్ ఇండియా మూవీగా రిలీజ్ చేస్తారో లేదో క్లారిటీ రావాల్సి ఉంది. ఈ సినిమాలో శ్రీమురళికి జోడీగా రుక్మిణీ వసంత్ నటిస్తున్నారు. హోంబలే ఫిల్మ్స్ నిర్మాతలు వరుసగా క్రేజీ ప్రాజెక్ట్ లతో సత్తా చాటుతున్నారు.
శ్రీమురళితో ఉన్న అనుబంధం, హోంబలే ఫిల్మ్స్ నిర్మాణం కావడం వల్లే ఈ మూవీకి ప్రశాంత్ నీల్ కథ అందించినట్లు తెలుస్తోంది. ప్రకాష్ రాజు, రఘు, గరుడ రాముడు, అచ్యుత్ కుమార్ కీలక పాత్రలో నటిస్తున్నారు. కన్నడ రోరింగ్ స్టార్ శ్రీమురళి ఈ సినిమాతో కెరీర్ బిగ్గెస్ట్ హిట్ ను సొంతం చేసుకుంటారేమో చూడాల్సి ఉంది. శ్రీమురళిని అభిమానించే ఫ్యాన్స్ సంఖ్య పెరుగుతుండటం గమనార్హం.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
Home
