ఈ ప్రపంచంలో వచ్చే ప్రతి సినిమా అందరికీ నచ్చాలని లేదు. అయితే ఎక్కువమందికి నచ్చిన సినిమా… కొందరికి నచ్చకపోవడం మాత్రం విషయమే కదా. అందులోనూ ప్రపంచవ్యాప్తంగా ప్రేక్షకులు, విమర్శకుల మెప్పు పొందిన సినిమా గురించి మరోసారి ఆలోచించాల్సిందే. అందులోనూ ఆ సినిమా ప్రపంచవ్యాప్తంగా రికార్డులు తిరగరాసి, వసూళ్ల సునామీ సృష్టించి, ఆ దర్శకుడు వేనోళ్ల పొగిడింప బడ్డాడు అంటే… ఆ సినిమా ఎంత గొప్పదో ఆలోచించొచ్చు. అలాంటి సినిమా… సినిమా వ్యక్తికి నచ్చలేదు అంటే.
ఇదంతా చెబుతున్న నందమూరి బాలకృష్ణ గురించి. ఇక ఆ సినిమా ఏంటి అంటే… ‘అవతార్’. అవును బాలయ్యకు అవతార్ సినిమా నచ్చలేదట. ఈ విషయం ఇటీవల ఆయన ఓ షోలో వెల్లడించారు. ‘అవతార్’ సినిమాకు ఏముంది… చాలా బాగుంటుంది కదా అనుకోవచ్చు మీరు. అయితే బాలయ్యకు ఆ సినిమా ఏ మాత్రమూ నచ్చలేదట. ఇంకా చెప్పాలంటే… ఆ సినిమా టీవీలో వస్తే ఠక్కున అక్కడి నుండి లేచి వెళ్లిపోయేంత నచ్చలేదట.
‘ఆహా’ ఓటీటీలో ప్రసారమవుతున్న ‘అన్‌స్టాపబుల్‌’ షోలో బాలయ్య ఈ ఆసక్తికర విషయాలు చెప్పుకొచ్చారు. దర్శక ధీరుడు రాజమౌళి, ప్రముఖ సంగీత దర్శకుడు కీరవాణి హాజరైన ఎపిసోడ్‌లోనే ఈ విషయం చెప్పారు బాలయ్య. హాలీవుడ్‌ సినిమాల గురించి, హాలీవుడ్‌ కెమెరామన్‌ల గురించి బాలయ్య, రాజమౌళి మధ్య చిన్న చర్చ నడిచింది. బాలయ్య చెప్పిన కెమెరామన్‌ల పేర్లు… తనకు కూడా తెలియవు అంటూ రాజమౌళి చెప్పుకొచ్చారు. ఈ సమయంలోనే ‘అవతార్’ సినిమా ప్రస్తావన వచ్చింది.
‘టైటానిక్‌’ లాంటి గొప్ప సినిమా తీశాక… అన్నేళ్లు గ్యాప్ తీసుకొని దర్శకుడు జేమ్స్‌ కెమెరూన్‌ ‘అవతార్’ తీయడమేంటి… నాకు నచ్చలేదు అని చెప్పారు బాలయ్య. ఆ సినిమా చూడటమే నాకు నచ్చదు అంటూ కాస్త చిరాకుగానే చెప్పారు. అయితే ఎందుకు నచ్చదు, ఎందుకు చూడరు వంటి వివరాలు మాత్రం చెప్పలేదు. దీంతో ఇప్పుడు సోషల్‌ మీడియాలో దీనిపైనే చర్చ జరుగుతోంది. అంతటి గొప్ప సినిమా ఎందుకు బాలకృష్ణకు నచ్చలేదు అంటూ చర్చించుకుంటున్నారు.
ఒక ‘అవతార్’ సినిమానే నచ్చలేదు అంటే… త్వరలో ఆ సినిమా నుండి నాలుగు సీక్వెల్స్‌ వస్తున్నాయి. మరి వాటి విషయంలో బాలయ్య ఏమంటారో చూడాలి. సీక్వెల్స్‌లో తొలి సినిమా ‘అవతార్ 2’ వచ్చే ఏడాది ఆఖరున విడుదలవుతుంది.
Most Recommended Video
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
Home