Balakrishna: ‘యమగోల’ దర్శకుడు తాతినేని రామారావు మృతి పట్ల ఎమోషనల్ బాలకృష్ణ..!

April 20, 2022 / 11:58 AM ISTByFilmy Focus

Join Us

Balakrishna: ‘యమగోల’ దర్శకుడు తాతినేని రామారావు మృతి పట్ల ఎమోషనల్ బాలకృష్ణ..!

సీనియర్ ఎన్టీఆర్ నటించిన ‘యమగోల’ చిత్రానికి ఎప్పటికీ ప్రత్యేక స్థానం ఉంటుంది. అప్పట్లో తెలుగు రాష్ట్రాలను ఓ ఊపు ఊపేసిన సినిమా అది. అంతటి గొప్ప చిత్రాన్ని మనకు అందించిన దర్శకుడు తాతినేని రామారావు ఈరోజు కన్నుమూశారు.ఆయన వయసు 84 సంవత్సరాలు. గత కొంతకాలంగా అనారోగ్యంతో బాధపడుతున్న ఆయన ఈ రోజు ఉదయం చెన్నైలో తుది శ్వాస విడిచారు. చెన్నైలోని ఓ ప్రైవేటు ఆస్పత్రిలో గత కొన్ని రోజులుగా చికిత్స తీసుకుంటూ వచ్చారాయన.

Click Here To Watch NOW

ఈ క్రమంలో ఆయన ఆరోగ్య పరిస్థితి విషమించడంతో తుది శ్వాస విడిచినట్టు స్పష్టమవుతుంది.ఈ క్రమంలో టాలీవుడ్ నుండీ ప్రముఖులంతా తాతినేని రామారావు గారికి తమ ప్రగాఢ సంతాపాన్ని తెలియజేస్తున్నారు. ఈ క్రమంలో నందమూరి బాలకృష్ణ చేసిన కామెంట్స్ వైరల్ అవుతున్నాయి. ఆయన మాట్లాడుతూ.. “దర్శకుడు అనే మాటకు వన్నె తెచ్చిన దర్శకులు తాతినేని రామారావు గారు. ఈరోజు ఆయన మన మధ్య లేకపోవడం ఎంతో దురదృష్టకరం. తాతినేని రామారావు గారి మరణ వార్త నన్నెంతగానో కలచివేసింది.

తాతినేని రామారావు గారు అద్భుతమైన దర్శకులు. నాన్నగారితో చరిత్రలో నిలిచిపోయే ‘యమగోల’ లాంటి విజయవంతమైన చిత్రాలు తీసి మేటి దర్శకులుగా నిలిచారు. ఆయన దర్శకత్వంలో నేను కథానాయకుడిగా చేసిన ‘తల్లిదండ్రులు’ చిత్రం అన్ని వర్గాల ప్రేక్షకులని అలరించి అభిమాన చిత్రంగా నిలిచింది. నిర్మాత పక్షాన నిలబడి, నిర్మాతకు ఒక రూపాయి మిగలాలని ఆలోచిస్తూ, అదే సమయంలో సినిమా నిర్మాణంలో ఎక్కడా రాజీ పడకుండా చిత్రాలు నిర్మించే ప్రతిభ తాతినేని రామారావు గారి సొంతం.

బాలీవుడ్ లోనూ హిట్ చిత్రాలు తీసి అక్కడా విజయవంతమైన దర్శకుడిగా పేరు ప్రఖ్యాతలు సంపాదించుకున్నారు. తాతినేని రామారావు గారి మరణం సినీ పరిశ్రమకు తీరని లోటు. ఆయన పవిత్ర ఆత్మకు శాంతి చేకూరాలని కోరుకుంటూ వారి కుటుంబ సభ్యులకు నా ప్రగాఢ సానుభూతి తెలియజేస్తున్నాను” అంటూ చెప్పుకొచ్చారు.