కన్నడ పవర్ స్టార్ గా తనకంటూ ఒక ప్రత్యేకమైన గుర్తింపును అందుకున్న పునీత్ రాజ్ కుమార్ శుక్రవారం గుండెపోటుతో మరణించిన విషయం తెలిసిందే. ఆయన మరణ వార్త గురించి తెలుసుకున్న సెలబ్రిటీలు అందరూ కూడా ఒక్కసారిగా షాక్ కు గురయ్యారు. మంచి మనసున్న పునీత్ రాజ్ కుమార్ అంటే దాదాపు సౌత్ లో ఉన్న అందరు హీరోలకు కూడా మంచి స్నేహితుడు అనే చెప్పాలి. ఇక అతని మరణ వార్త గురించి తెలుసుకొని టాలీవుడ్ ప్రముఖులు కూడా బెంగళూరుకు బయలుదేరారు.
పునీత్ రాజ్ కుమార్ పార్థివ దేహాన్ని కడసారి చూసేందుకు టాలీవుడ్ అగ్రహీరోలు బెంగళూరులోని పునీత్ రాజ్ కుమార్ ఇంటి వద్దకు చేరుకున్నారు. అయితే ఉదయాన్నే అక్కడికి వెళ్లిన నందమూరి బాలకృష్ణ పునీత్ పార్థివ దేహాన్ని అలా చూసేసరికి ఒక్కసారిగా కన్నీటిపర్యంతమయ్యారు. బాలకృష్ణకు అలాగే పునీత్ రాజ్ కుమార్ కుటుంబానికి మంచి సాన్నిహిత్యం ఉంది. బాలకృష్ణ సినిమాలకు సంబంధించిన ఫంక్షన్లలో కూడా చాలాసార్లు పునీత్ రాజ్ కుమార్ ప్రత్యేక అతిథిగా వచ్చారు.
ఇక ఆయన తో ఉన్న అనుబంధం గురించి గుర్తు చేసుకొని బాలకృష్ణ కన్నీళ్లు పెట్టుకున్నారు. అందుకు సంబంధించిన ఫోటోలు వీడియోలు కూడా ప్రస్తుతం అభిమానులను ఎంతగానో కలచివేస్తున్నాయి. ఇక పునీత్ రాజ్ కుమార్ పార్థివ దేహాన్ని చూసి శ్రద్ధాంజలి ఘటించేందుకు టాలీవుడ్ హీరోలు కర్ణాటక బయలుదేరారు జూనియర్ ఎన్టీఆర్ కూడా బెంగుళూరుకు వెళ్తున్నట్లు తెలుస్తోంది. మెగాస్టార్ చిరంజీవి కూడా అంతిమ సంస్కారం లో పాల్గొనబోతున్నారు.
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
