Balakrishna, Gopichand Malineni: బాలయ్య మూవీ మొదలయ్యేది అప్పుడేనా..?

క్రాక్ సినిమాతో వరుస ఫ్లాపులతో ఇబ్బందులు పడుతున్న రవితేజకు బ్లాక్ బస్టర్ ఇచ్చి గోపీచంద్ మలినేని బాలయ్య దృష్టిలో పడ్డారు. క్రాక్ రొటీన్ కథతో తెరకెక్కినా కథనంతో గోపీచంద్ మలినేని మ్యాజిక్ చేశారు. బాలయ్యకు గోపీచంద్ మలినేని ఇప్పటికే కథ చెప్పి ఒప్పించగా బాలయ్య పుట్టినరోజు సందర్భంగా ఈ సినిమాకు సంబంధించిన అధికారిక ప్రకటన వెలువడింది. అయితే బాలయ్య ఈ సినిమా కథలో స్వల్ప మార్పులు సూచించారని క్లైమాక్స్ ను కూడా మార్చమన్నారని ఇండస్ట్రీ వర్గాల్లో వినిపిస్తోంది.

ప్రస్తుతం బాలకృష్ణ బోయపాటి శ్రీను డైరెక్షన్ లో తెరకెక్కుతున్న అఖండ మూవీ చివరి షెడ్యూల్ షూటింగ్ లో పాల్గొంటున్నారు. షూటింగ్ పూర్తైన తరువాత ఈ సినిమాకు సంబంధించిన ట్రైలర్ రిలీజ్ డేట్, సినిమా రిలీజ్ డేట్ కు సంబంధించిన ప్రకటనలు వెలువడే అవకాశాలు ఉన్నాయి. వినాయకచవితి సందర్భంగా అఖండ రిలీజ్ కావచ్చని వార్తలు వస్తున్నా అధికారిక ప్రకటన అయితే రాలేదు. గోపీచంద్ మలినేని ఫైనల్ స్టోరీని బాలయ్యకు వినిపించగా హీరో ఎలివేషన్ సీన్లకు సైతం బాలయ్య చిన్నచిన్న కరెక్షన్స్ చెప్పినట్టు తెలుస్తోంది.

బాలయ్య చెప్పిన విధంగా కథలో మార్పులు చేయడానికి గోపీచంద్ మలినేని మూడు నెలల సమయం కోరినట్లు సమాచారం. మైత్రీ మూవీ మేకర్స్ బ్యానర్ లో ఈ సినిమా తెరకెక్కుతుండగా అక్టోబర్ నెల నుంచి ఈ సినిమా షూటింగ్ మొదలయ్యే అవకాశాలు ఉన్నాయని సమాచారం. మైత్రీ మూవీ మేకర్స్ బాలకృష్ణ కాంబోలో తెరకెక్కుతున్న తొలి సినిమా ఇదే కావడం గమనార్హం. షూటింగ్ ఆలస్యమైనా పరవాలేదని మూవీ మాత్రం పర్ఫెక్ట్ గా ఉండాలని బాలకృష్ణ గోపీచంద్ మలినేనికి చెప్పినట్టు తెలుస్తోంది.

Most Recommended Video

తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!