Balakrishna: బాలకృష్ణ కొత్త సినిమాల దర్శకులు వాళ్లేనా? మరి సొంత సినిమా సంగతేంటో?

బాలకృష్ణ సినిమా నేలకొండ ‘భగవంత్‌ కేసరి’ సినిమా ఇటీవల విడుదలై థియేటర్లలో సందడి చేస్తోంది. దీంతో బాలయ్య కొత్త సినిమా మూడ్‌లోకి వెళ్లిపోతున్నారట. బాబి దర్శకత్వంలో బాలయ్య ఓ సినిమా చేయనున్న విషయం తెలిసిందే. అయితే ఇక్కడ విషయంలో ఆ సినిమా కాదు. ఆ తర్వాత చేయాల్సిన 110, 111వ సినిమాల గురించే. ఎందుకంటే బాబీతో చేస్తున్న సినిమా బాలయ్యకు కెరీర్‌లో 109వ చిత్రం కాబట్టి. ‘అఖండ’ సినిమా తర్వాత బాలయ్య సినిమాల ఎంపిక విషయంలో డిఫరెంట్‌గా ఆలోచిస్తున్నాయి.

మాస్‌ కథనే ఎంచుకున్నా.. అందులో ఓ ఇంట్రెస్టింగ్‌ ఎలిమెంట్‌ చూసుకుంటున్నారు. ఈ క్రమంలో బాబి సినిమా చేస్తున్నారు. అయితే ఆ తర్వాత చేయాల్సిన సినిమాల కోసం తనకు గతంలో హిట్ ఇచ్చిన దర్శకులకే ఓటు వేస్తున్నారట. ఒకరు హ్యాట్రిక్‌ ఇవ్వగా, ఇంకొకరు సంక్రాంతి విజయం అందించారు. ‘అఖండ 2’ సినిమా ఉంటుంది దర్శకుడు బోయపాటి శ్రీను ఇప్పటికే చెప్పారు. ఆ సినిమానే బాలయ్య కెరీర్‌లో 110వ సినిమా అవుతుందట.

ఆ తర్వాత అంటే 111వ సినిమా కోసం ‘వీర సింహారెడ్డి’ దర్శకుడు గోపీచంద్‌ మలినేనిని తీసుకొస్తున్నారట. ఆ సినిమా తరహాలో మాస్‌ ఎలిమెంట్స్‌ పుష్కలంగా ఉండేలా చూసుకోమని ఇప్పటికే బాలయ్య చెప్పేశారట. ఆయన కూడా ఓ కథను సిద్ధం చేస్తున్నారని తెలుస్తోంది. రవితేజ సినిమా అయ్యాక ఆ పని మీదే ఉంటారట. అయితే ఇక్కడ ఒకే ఒకటి డౌట్‌. ఆయన ఎన్నో ఏళ్లుగా చెబుతున్న ‘ఆదిత్య 999’.

బాలయ్య (Balakrishna) కెరీర్‌లో ది బెస్ట్‌ అంటూ ఓ లిస్ట్ రాస్తే… అందులో తప్పక ఉండే సినిమా అది. ఆ సినిమాకు సీక్వెల్‌గా ‘ఆదిత్య 999’ తీస్తానని గతంలో బాలయ్య చెప్పారు. అయితే చాలా రోజులు అవుతున్నా ఆ సినిమా ఇంకా ముందుకు రావడం లేదు. 110వ సినిమాగా అయినా అది వస్తుందేమో అనుకుంటే లేదు. మరెప్పుడు తీసుకొస్తారో బాలయ్యనే చెప్పాలి. అలాగే మోక్షజ్ఞ సినిమా ఎంట్రీ ఎప్పడు అనే ప్రశ్నకు కూడా బాలయ్యే సమాధానం చెప్పాలి.

‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!

‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!