లవ్ స్టోరీతో రానున్న బాలయ్య తనయుడు

మహానటుడు నందమూరి తారక రామారావు మనవుడు, నటసింహ బాలకృష్ణ నట వారసుడు మోక్షజ్ఞ సినీ ఎంట్రీ భారీ స్థాయిలో ఉంటుందని ప్రతి ఒక్కరూ అంచనా వేస్తారు. గొప్ప డైరక్టర్, భారీ తారాగణం, అత్యధిక బడ్జెట్ తో సినిమా తెరకెక్కడం ఖాయమని అనుకోవడంలో తప్పులేదు. కానీ బాలయ్య మాత్రం కొడుకు వెండితెర ప్రవేశం పై విభిన్నంగా ఆలోచిస్తున్నారు. యాక్షన్ హీరోగా కాకుండా లవర్ బాయ్ గా పరిచయం చేయాలనీ భావిస్తున్నట్లు తెలిసింది. అందుకోసమే స్వీట్ లవ్ స్టోరీ కోసం అన్వేషిస్తున్నట్లు సమాచారం. తన వద్దకు వచ్చే దర్శకులు, రచయితలకు హెవీ వెయిట్ ఉన్న స్టోరీలు కాకుండా మనసుకు హత్తుకునే ప్రేమకథలు చెప్పమని కోరుతున్నట్లు ఫిలిం నగర్ వాసులు చెబుతున్నారు.

ప్రస్తుతం పూరి జగన్నాథ్ దర్శకత్వంలో పైసా వసూల్ షూటింగ్ లో బిజీగా ఉన్న బాలయ్య, ఈ సినిమాని పూర్తి చేసి మోక్షజ్ఞకు మంచి కథను సెలక్ట్ చేయనున్నారు. బాలకృష్ణ తనయుడను లాంచ్ చేసే అవకాశాన్ని అందిపుచ్చుకోవడానికి యువ దర్శకులు మంచి స్టోరీ వినిపించాలని ఆలోచనలకు పదును పెడుతున్నారు. మోక్షు ఇప్పుడు విదేశాల్లో నటన, ఫైట్స్, డ్యాన్స్ లో శిక్షణ తీసుకుంటున్నారు. అతను శిక్షణ పూర్తి చేసి వచ్చిన వెంటనే చిత్ర వివరాలను ప్రకటించనున్నారు. కథ ఏదైనా వారాహి చలన చిత్ర బ్యానర్ లోనే మోక్షజ్ఞ ఎంట్రీ ఉంటుందని సమాచారం.

Also, do SUBSCRIBE to our YouTube channel to get latest Tollywood updates.