Balakrishna: మధుర క్షణాలకు ముగింపు ఉండదు… కొనసాగింపే!

June 13, 2022 / 05:13 AM ISTByFilmy Focus

Join Us

Balakrishna: మధుర క్షణాలకు ముగింపు ఉండదు… కొనసాగింపే!

బాలకృష్ణ వెండితెరపై నటుడిగా మంచి గుర్తింపు సంపాదించుకున్నారు. ఇలా నటుడిగా అందరిని మెప్పించిన బాలకృష్ణ వ్యాఖ్యాతగా ఒక టాక్ షో రాబోతుందని తెలియడం అందరూ ఆశ్చర్యపోయారు. బాలకృష్ణ ఏంటీ వ్యాఖ్యాతగా వ్యవహరించడం ఏంటి అంటూ అందరూ ఆశ్చర్యపోయారు. ఈ క్రమంలోనే బాలకృష్ణ వ్యాఖ్యాతగా ఆహా వేదికగా అన్ స్టాపబుల్ విత్ ఎన్బీకే అనే కార్యక్రమం ప్రసారమైంది. ఈ కార్యక్రమం ద్వారా బాలకృష్ణ అతిథులుగా వచ్చిన స్టార్ హీరోలను ప్రశ్నిస్తూ వారి దగ్గర నుంచి సరైన సమాధానాలు రాబట్టారు.

ఇలా ఈ కార్యక్రమానికి మోహన్ బాబు మొదటి అతిథిగా హాజరై ఈ కార్యక్రమాన్ని ఎంతో ఘనంగా ప్రారంభించారు.ఈ విధంగా ఎంతో మంది సెలబ్రిటీలు ఈ కార్యక్రమానికి హాజరు అవుతూ ప్రేక్షకులను పెద్ద ఎత్తున సందడి చేయడమే కాకుండా దేశంలో నెంబర్ వన్ టాక్ షో గా రికార్డు సొంతం చేసుకుంది. ఎంతో విజయవంతంగా ఈ కార్యక్రమం పూర్తి కావడమే కాకుండా ఆహా సబ్స్క్రైబర్లు కూడా అమాంతం పెరిగి పోయారు. ఇంతటి ఆదరణ వచ్చిన ఈ కార్యక్రమానికి కొనసాగింపు ఉండాలని భావించారు.

ఈ క్రమంలోనే పెద్దఎత్తున బాలయ్య టాక్ షో సీజన్ 2 గురించి ఎన్నో వార్తలు వచ్చాయి.త్వరలోనే ఈ కార్యక్రమం ప్రారంభం కాబోతుందని వార్తలు రావడంతో పెద్ద ఎత్తున ఈ కార్యక్రమం కోసం అభిమానులు ఎంతో ఆతృతగా ఎదురుచూస్తున్నారు. ఇకపోతే తాజాగా బాలకృష్ణ ఆహాలో ప్రసారమవుతున్న సింగిగ్ కాంపిటీషన్ ఇండియన్ ఐడల్ కార్యక్రమంలో సందడి చేశారు. ఈ కార్యక్రమంలో భాగంగా బాలకృష్ణ టాక్ షో కి సరైన సమాధానం కూడా దొరికింది.

ఈ కార్యక్రమం చివరిలో శ్రీరామచంద్ర బాలక్రిష్ణను ఈ కార్యక్రమం ఎప్పుడు ప్రారంభం అవుతుందని ప్రశ్నించారు. ఈ ప్రశ్నకు బాలకృష్ణ సమాధానం చెబుతూ మధుర క్షణాలకు ముగింపు ఉండదు.. కొనసాగింపే అంటూ బాలకృష్ణ సమాధానం చెప్పడంతో ఈ కార్యక్రమానికి కూడా బాలకృష్ణ వ్యాఖ్యాతగా వ్యవహరిస్తున్నారని అర్థమవుతుంది. ఇకపోతే సీజన్ 2 కార్యక్రమాన్ని దసరా పండుగ సందర్భంగా ప్రసారం చేయనున్నట్లు వార్తలు వస్తున్నాయి. ఇక ఈ కార్యక్రమానికి మొదటి అతిథిగా చిరంజీవి హాజరు కానున్నట్లు తెలుస్తోంది.