బాలయ్య 102 సినిమా కథ ఇదేనా?

నటసింహ బాలకృష్ణ ఫుల్ జోష్ తో దూసుకు పోతున్నారు. గౌతమి శాతకర్ణి తర్వాత పూరి జగన్నాథ్ తో పైసా వసూల్ సినిమాని అత్యంత వేగంగా పూర్తిచేసి ఔరా అనిపించారు. పైసా వసూల్ విజయంతో ఉత్సాహంగా    కెఎస్ రవికుమార్ దర్శకత్వంలో 102 వ సినిమాని చేస్తున్నారు. నయన తార హీరోయిన్ గా నటిస్తున్న చిత్రం వేగంగా షూటింగ్ జరుపుకుంటోంది. ఈ మూవీ సెట్స్ మీద ఉండగానే కథ బయటికి వచ్చింది. సోషల్ మీడియాలో చక్కర్లు కొడుతున్న పోస్ట్ ల ప్రకారం.. “బాలకృష్ణ, నయనతార ఒకరినొకరు ప్రేమించుకొంటారు. పెళ్లి కూడా చేసుకోవాలని అనుకుంటారు. కానీ కొన్ని కారణాల వల్ల ఒకరికొకరు దూరమవుతారు.  ప్రేమికురాలి కోసం వెతికేందుకు బాలయ్య ఎంతగానో ప్రయత్నిస్తుంటాడు. కానీ ఆచూకీ చిక్కదు.

ఇరవై ఏళ్ల తర్వాత ఓ అమ్మాయిని పోకిరీలు వెంబడిస్తుంటే ఆమెను బాలయ్య రక్షించి, చేరదీస్తాడు. బాలయ్యని తన తండ్రిలా ఆ అమ్మాయి చూసుకుంటుంది. ఆమె ఎవరో కాదు నయనతార కూతురు. తన ప్రియురాలి కూతురు అని బాలయ్యకి ఎలా తెలుస్తుంది?  అసలు నయన తార ఎందుకు విడిపోవాల్సి వస్తుంది? కూతురు తల్లిని ఎందుకు విడిచి పెట్టింది? నయనతార బతికే ఉందా? చనిపోయిందా? అనే ప్రశ్నలకు క్లైమాక్స్ లో సమాధానం దొరకనుంది.  కథ ఆసక్తికరంగా ఉన్నప్పటికీ.. ఇది నిజంగా బాలయ్య సినిమా కథేనా? అనేది ఇప్పుడే చెప్పలేము.