లోకేష్ పై పవన్ ఎలిగేషన్స్ పై స్పందించిన బాలకృష్ణ

ఇటీవల జనసేన ఆవిర్భావ సభలో పవన్ కళ్యాణ్ తెలుగుదేశం పార్టీని సెంటర్ చేస్తూ టిడిపి ప్రభుత్వం మీద, ముఖ్యంగా లోకేష్ మీద లెక్కలేనన్ని ఎలిగేషన్స్ చేసిన విషయం తెలిసిందే. ఈ విషయమై చంద్రబాబు మొదలుకొని తెలుగుదేశం పార్టీ కార్యకర్తలందరూ తమదైన రీతిలో స్పందించడమే కాక పవన్ కళ్యాణ్ కి కౌంటర్స్ కూడా ఇచ్చారు. అయితే.. నారా లోకేష్ కు స్వయానా మావగారు, తెలుగుదేశం పార్టీ ఎమ్మెల్యే, తెలుగు చిత్రసీమలో ఒన్నాఫ్ ది స్టార్ హీరో అయిన నందమూరి బాలకృష్ణ ఈ విషయమై కాస్త లేట్ గా స్పందించినా.. ఘాటుగా జవాబిచ్చాడు.

లోకేష్ పై పవన్ ఎలిగేషన్స్ గురించి కామెంట్ చెప్పమనగా.. “ఇప్పుడు ఆ విషయమై కామెంట్ చేసి అతడ్ని హీరో చేయడం ఎందుకు” అని వెటకారంగా సమాధానమివ్వడమే కాక “మేమే సూపర్ స్టార్లం” అని పేర్కొనడం గమనార్హం. గతంలోనూ ప్రత్యేక హోదా గురించి పవన్ ప్రశ్నిస్తున్న విధానం తన స్పందన తెలియజేయమని అడగగా.. బాలయ్య “పవన్ కళ్యాణ్ ఎవరు?” అని తిరిగి ప్రశ్నించడం తెలిసిందే. సినిమాల పరంగా ఆల్రెడీ ఇరు కుటుంబాల నడుమ వైరం నడుస్తుండగా.. ఇప్పుడు అది రాజకీయ రంగు పులుముకోవడం మరింత ఆసక్తిని రేకెత్తిస్తోంది.