‘భీష్మ’ సినిమా తరువాత నితిన్ ఆ స్థాయిలో మరో హిట్ అందుకోలేకపోయారు. ఆయన నుంచి వరుసగా సినిమాలొస్తున్నా.. ఏవీ పెద్దగా ఆడడం లేదు. రీసెంట్ గా ‘మాచర్ల నియోజకవర్గం’ అనే సినిమాతో ప్రేక్షకుల ముందుకొచ్చారు. మోస్తరు అంచనాలతో విడుదలైన ఈ సినిమా డిజాస్టర్ గా నిలిచింది. దీంతో నితిన్ కొంత గ్యాప్ తీసుకున్నారు. ఇప్పటివరకు తన తదుపరి సినిమాను అనౌన్స్ చేయలేదు. ప్రముఖ రచయితే వక్కంతం వంశీతో సినిమా చేయాలనుకుంటున్నారు.
ఈ ప్రాజెక్ట్ డిస్కషన్ స్టేజ్ లో ఉంది. దీనిపై ఇంకా ఎలాంటి అధికార ప్రకటన రాలేదు. ఇదిలా ఉండగా.. రీసెంట్ గా నితిన్ మరో సినిమా చేయడానికి ఒప్పుకున్నట్లు సమాచారం. ‘అయ్యారే’, ‘అప్పట్లో ఒకడుండేవాడు’ వంటి సినిమాలతో ప్రేక్షకులను ఆకట్టుకున్న దర్శకుడు సాగర్ చంద్ర.. ఇటీవల ‘భీమ్లానాయక్’ సినిమాతో భారీ విజయాన్ని అందుకున్నారు. ఈ సినిమా విడుదలై చాలా రోజులవుతున్నా.. ఇప్పటివరకు సాగర్ చంద్ర మరో సినిమా పట్టాలెక్కించలేకపోయారు.
నిజానికి ‘భీమ్లానాయక్’ సినిమా క్రెడిట్ అంతా పవన్, త్రివిక్రమ్ లకే దక్కింది. దీంతో సాగర్ చంద్రకి మరో సినిమా సెట్ చేసుకోవడానికి చాలా సమయం పట్టింది. రీసెంట్ గా ఈ దర్శకుడు నితిన్ కి ఓ కథ వినిపించాడట. కథ ఇంప్రెసివ్ గా అనిపించడంతో నితిన్ ఓకే చెప్పారట.
త్వరలోనే ఈ సినిమాకి సంబంధించిన అఫీషియల్ అనౌన్స్మెంట్ రానుంది. ఈ సినిమాను నితిన్ సొంత బ్యానర్ లో నిర్మించే ఛాన్స్ ఉంది. అయితే ముందుగా వక్కంతం వంశీ సినిమాను మొదలుపెడతారా..? లేక సాగర్ చంద్ర సినిమా మొదలవుతుందా..? అనే విషయంలో క్లారిటీ లేదు.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
