Anaganaga Oka Raju: ‘అనగనగా ఒక రాజు’ ఫస్ట్ సాంగ్ రివ్యూ.. రొటీన్ ట్యూన్ క్యాచీ లిరిక్స్

దాదాపు రెండున్నరేళ్ల తర్వాత 2026 సంక్రాంతికి ‘అనగనగా ఒక రాజు’ అనే సినిమాతో ప్రేక్షకుల ముందుకు రాబోతున్నాడు యంగ్ హీరో నవీన్ పోలిశెట్టి. మీనాక్షి చౌదరి హీరోయిన్ గా నటిస్తుంది.మారి ఈ చిత్రంతో దర్శకుడిగా పరిచయం కాబోతున్నాడు. వాస్తవానికి 2022 లో మొదలైన సినిమా ఇది. కానీ మధ్యలో ఆగిపోయింది. దర్శకుడు కళ్యాణ్ శంకర్ ఈ ప్రాజెక్టు నుండి తప్పుకున్నాడు.

Bhimavaram Balma from Anaganaga Oka Raju

మొత్తానికి మారి ఎంట్రీతో మళ్ళీ మొదలైంది. శరవేగంగా చిత్రీకరణ జరుగుతుంది. ఈ మధ్య కాలంలో నిర్మాత నాగవంశీ బ్యానర్లో ఫాస్ట్ గా రూపొందుతున్న సినిమా ఇదే అని చెప్పాలి. మిక్కీ జె మేయర్ సంగీత దర్శకుడు. అప్పుడే ఫస్ట్ సింగిల్ కూడా విడుదల చేయడం జరిగింది.

‘భీమవరం బల్మా’ అంటూ సాగే ఈ లిరికల్ సాంగ్ 3 నిమిషాల 9 సెకన్ల నిడివి కలిగి ఉంది. సంక్రాంతికి వస్తున్న సినిమా కాబట్టి.. ఆ పండుగ వైబ్ వచ్చేలా ఈ పాటని డిజైన్ చేసినట్టు స్పష్టమవుతుంది. మిక్కీ జె మేయర్ అందించిన ట్యూన్ రెగ్యులర్ గానే ఉంది. తన ‘మిస్టర్’ సినిమాలోని ట్యూన్ మాదిరే ఉంది. అయితే ఈ పాటని హీరో నవీన్ పోలిశెట్టి పాడటం అనేది వినడానికి కొత్తగా అనిపిస్తుంది.

అంతేకాదు మొదటిసారి ఈ పాటలో అతను ఫాస్ట్ గా డాన్స్ చేశాడు. అది కూడా ఒక విశేషమే.హీరోయిన్ మీనాక్షి చౌదరి, నవీన్..ల కెమిస్ట్రీ బాగానే వర్కౌట్ అయ్యేలా ఉంది. ఈ పాటకి ఉన్న ఇంకో ప్లస్ పాయింట్ అంటే లిరిక్స్ అనే చెప్పాలి. భీమవరం జనాలను అలాగే జెంజి కిడ్స్ ను దృష్టిలో పెట్టుకుని చంద్రబోస్ సాహిత్యం సమకూర్చినట్టు స్పష్టమవుతుంది. ఇక ఈ లిరికల్ సాంగ్ ను మీరు కూడా ఓ లుక్కేయండి

సూర్య సినిమా విషయంలో నేను చేసిన తప్పుల వల్లే రిజల్ట్ తేడా కొట్టింది