సీనియర్ హీరోయిన్ సైడ్ అయ్యిందా!

నటసింహా నందమూరి బాలకృష్ణ 60 ప్లస్ లోనూ 30 ప్లస్ స్పీడ్ తో సినిమాలు చేస్తున్నారు.. ‘అఖండ’ తో సాలిడ్ బ్లాక్ బస్టర్ కొట్టి, పాండమిక్ తర్వాత భారీ సంఖ్యలో ప్రేక్షకులను థియేటర్లకు రప్పించి పరిశ్రమకు కొత్త ఊపునీ, ఉత్సాహాన్నీ ఇచ్చారు. ఓ వైపు సినిమాలు, మరోవైపు హిందూపూర్ ఎమ్మెల్యేగా ప్రజాసేవ, ఛైర్మన్ గా క్యాన్సర్ హాస్పిటల్ బాధ్యతలు.. దాంతో పాటు ఆహాలో ‘అన్ స్టాపబుల్’ టాక్ షో.. ఇలా రోజుకి 48 గంటలున్నా సరిపోదు అన్నట్టు ఉంటుంది బాలయ్య బిజీ షెడ్యూల్..

‘క్రాక్’ తో ట్రాక్ లోకి వచ్చిన యంగ్ డైరెక్టర్ గోపిచంద్ మలినేనితో.. మైత్రీ మూవీ మేకర్స్ బ్యానర్ లో ప్రస్తుతం NBK 107 (వర్కింగ్ టైటిల్) మూవీ చేస్తున్న సంగతి తెలిసిందే.. మరికొద్ది రోజుల్లో షూటింగ్ కంప్లీట్ కానుంది. శృతి హాసన్ కథానాయిక కాగా.. తమిళ్ భామ వరలక్ష్మీ శరత్ కుమార్, కన్నడ బ్యూటీ హనీ రోజ్ ఇంపార్టెంట్ రోల్స్ చేస్తున్నారు. ఈ సినిమాకి ‘వీర సింహా రెడ్డి’, ‘రెడ్డి గారు’ పేర్లు ప్రచారంలో ఉన్నాయి. అక్టోబర్ 21న టైటిల్ అనౌన్స్ చెయ్యబోతున్నారు. ఆల్ మోస్ట్ ‘రెడ్డి గారు’ టైటిల్ ఫిక్స్ అని వార్తలు వస్తున్నాయి..

తర్వాత బ్లాక్ బస్టర్ డైరెక్టర్ అనిల్ రావిపూడితో సినిమా చెయ్యబోతున్నాడు బాలయ్య.. వయసు మళ్లిన పవర్ ఫుల్ పోలీస్ ఆఫీసర్ గా ఆయన కనిపించనున్నారని, విలన్ గా బాలీవుడ్ యాక్టర్ ని ఫిక్స్ చెయ్యనున్నారని ఫిలింనగర్ టాక్.. దర్శకేంద్రుడు కె.రాఘవేంద్ర రావు ‘పెళ్లిసంద D’ హీరోయిన్ శ్రీలీల, బాలయ్య కూతురిగా కనిపించనుందని కన్ఫమ్ చేశారు. ఇక బాలయ్యకి జోడీగా పలువురు సీనియర్ హీరోయిన్లను అనుకున్నారట మేకర్స్..

కొంతమంది బిజీ షెడ్యూల్స్ కారణంగా ఈ ఛాన్స్ మిస్ అవడంతో త్రిషను అప్రోచ్ అయ్యారట. త్రిష ఇంతకుముందు ‘లయన్’ లో బాలయ్యతో ఆడిపాడింది. త్రిషను బాలయ్యకి జోడీగా అడగ్గా ఆమె రెమ్యునరేషన్ భారీగా డిమాండ్ చేసిందని..దీంతో మేకర్స్ బాలీవుడ్ భామల్ని పరిశీలిస్తున్నారని అంటున్నారు. షైన్ స్క్రీన్స్ బ్యానర్ మీద హరీష్ పెద్ది, సాహు గారపాటి నిర్మిస్తున్న ఈ మూవీ షూటింగ్ వచ్చే నెలలో స్టార్ట్ కానుంది

కాంతార సినిమా రివ్యూ & రేటింగ్!

Most Recommended Video

ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!