హిందీలోనే రూపొందినా… తెలుగు సినిమా అనే రేంజిలో ప్రచారం జరుగుతున్న సినిమా ‘యానమిల్‌’. పోనీ ఈ సినిమా ఏమైనా పాన్‌ ఇండియా సినిమా అంటూ రూపొంది ఉంటే ప్రచారం చేసి ఉంటే సరిపోయేది. కానీ హిందీ సినిమాగా రూపొంది, తెలుగులో భారీ స్థాయిలో విడుదలవుతోంది. కారణం ఆ సినిమా దర్శకుడు తెలుగువాడే అని ప్రత్యేకంగా చెప్పక్కర్లేదు. ఇటీవల ఈ సినిమాకు సంబంధించి ప్రీ రిలీజ్‌ ఈవెంట్ జరిగింది. అందులో ఆ సినిమా విలన్ బాబీ డియోల్ చెప్పిన డైలాగ్ ఇప్పుడు వైరల్‌గా మారింది.
అంతేకాదు, ఆ డైలాగ్ ఏ సినిమాలోనిది అనే చర్చ కూడా మొదలైంది. ఎందుకంటే ఆయన చెప్పిన డైలాగ్, ఇప్పుడు విడుదలవుతున్న ‘యానమిల్‌’ దగ్గరగా లేకపోవడమే. దీంతో బాబీ ఇంకేం సినిమాలు చేస్తున్నాడు అంటూ ఆరా తీయడం ప్రారంభించారు. ఈ క్రమంలో ఆయన రెండు సినిమాలు చేస్తున్నట్లు గుర్తించారు. దీంతో ఆ రెండు సినిమాల్లో ఓ సినిమాలోని డైలాగ్ అది అని ఫిక్స్‌ అయిపోతున్నారు. ఆ సినిమానే ‘హరి హర వీరమల్లు’. అంత పక్కాగా చెప్పడానికి ఆ డైలాగ్‌లోని ‘బేగం’ అనే పదమే కారణం.
బాలీవుడ్ నటులు టాలీవుడ్ సినిమాల్లోనూ విలన్ పాత్రల్లో కనిపిస్తూ ఆకట్టుకుంటున్నారు. సైఫ్ అలీఖాన్‌, సంజయ్‌ దత్‌ ఇలా చేయగా… బాబీ డియోల్ ఇప్పుడు ఆ పనిలో ఉన్నాడు. ప్రస్తుతం బాబీ డియోల్ తెలుగులో ‘హరి హర వీర మల్లు’ సినిమాలో నటిస్తున్నాడు. దీంతోపాటు బాలకృష్ణ – బాబి సినిమాలో కూడా యాక్ట్‌ చేస్తున్నాడని టాక్‌. ఆ సినిమాలో ఆయన పాత్ర చిత్రణ ఇంకా స్టార్ట్‌ కాలేదు కాబట్టి ‘హరి హర వీర మల్లు’ నుండే ఆ డైలాగ్ అని తేల్చేస్తున్నారు.
అన్నట్లుగా బాబీ (Bobby Deol) ఏమన్నాడో చెప్పలేదు కదా… ‘నేను తెలుగులో ఇప్పుడు ఓ సినిమా చేస్తున్నాను. అందులో డైలాగ్ నాకు గుర్తుంది. ‘బాద్‌షా బేగం మా ప్రాణం. మా ప్రాణాన్ని కాపాడడం కోసం మీకేం కావాలో కోరుకోమని ఆదేశిస్తున్నా’’ అనే డైలాగ్ చెప్పాడు బాబీ డియోల్. సినిమా నుండి టీమ్‌ అప్‌డేట్‌ ఇవ్వకపోయినా బాబీ అయినా ఓ విషయం చెప్పాడు సంతోషం అని పవన్ కల్యాణ్‌ ఫ్యాన్స్‌ ఖుష్‌ అవుతున్నారు.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
Home