Jana Nayagan: మార్చి 19 కే ‘జన నాయగన్’…పెద్ద ట్విస్ట్ అదే?

March 9, 2026 / 02:15 PM ISTByPhani Kumar

Join Us

ఈ ఉగాది, రంజాన్ పండుగల సీజన్‌లో బాక్సాఫీస్ దగ్గర భారీ సందడి వాతావరణం నెలకొనబోతోంది. ముందుగా అనుకున్న షెడ్యూల్ ప్రకారం 2026 మార్చి 19న యష్ పాన్ ఇండియా చిత్రం ‘టాక్సిక్’ విడుదల కావాల్సి ఉంది.

Jana Nayagan

కానీ మిడిల్ ఈస్ట్ దేశాల్లో నెలకొన్న పరిస్థితుల కారణంగా ఈ సినిమాను జూన్ 4వ తేదీకి వాయిదా వేస్తున్నట్లు నిర్మాణ సంస్థ కేవీఎన్ ప్రొడక్షన్స్ అధికారికంగా ప్రకటించింది.

అలాగే మార్చి 19న ఖాళీ అయిన ఆ స్థానాన్ని భర్తీ చేయడానికి అదే కేవీఎన్ ప్రొడక్షన్స్ సంస్థ ఓ మాస్టర్ ప్లాన్ వేసినట్లు తెలుస్తోంది. దళపతి విజయ్, దర్శకుడు హెచ్. వినోద్ కలయికలో తాము నిర్మిస్తున్న మరో భారీ చిత్రం ‘జన నాయగన్'(Jana Nayagan) ను ఆ తేదీన బరిలోకి దించాలని సన్నాహాలు చేస్తున్నట్లు సినీ వర్గాల్లో టాక్ వినిపిస్తోంది.వాస్తవానికి ‘జన నాయగన్’ సినిమాను ముందుగా జూన్ 18న తీసుకురావాలని మేకర్స్ భావించారు.

‘టాక్సిక్’ జూన్ 4కి వెళ్లడంతో, రెండు వారాల గ్యాప్‌లోనే తమ మరో సినిమాను దించడం ఇష్టం లేక ‘జన నాయగన్’కు కొత్త రిలీజ్ డేట్‌ను వెతుకుతున్నారు. అంతా అనుకున్నట్లు జరిగితే ‘టాక్సిక్’ ప్లేస్‌లో మార్చి 19నే ఈ చిత్రాన్ని దింపాలని మేకర్స్ ప్లాన్ చేస్తున్నారు. ఒకవేళ సెన్సార్ పనులు ఆలస్యమైతే.. తమిళనాడు అసెంబ్లీ ఎన్నికల తర్వాత తీసుకురావచ్చు. జూన్ 22న విజయ్ పుట్టినరోజు కావడంతో పాత తేదీ (జూన్ 18) ఆప్షన్‌ను కూడా మేకర్స్ పరిశీలిస్తున్నారు.

దీనిపై త్వరలోనే స్పష్టత రానుంది.ఒకవేళ ‘జన నాయగన్’ మార్చి 19న వస్తే మాత్రం టాలీవుడ్‌లో ‘ఉస్తాద్ భగత్ సింగ్’ చిత్రానికి భారీ పోటీ తప్పదు. వాస్తవానికి పవన్ కల్యాణ్ ‘ఉస్తాద్’ మార్చి 26న రావాల్సింది. కానీ ఉగాది సెలవులను టార్గెట్ చేస్తూ వారం ముందే మార్చి 19న థియేటర్లలోకి వస్తోంది.

దీనికి తోడు అదే రోజున మరో పాన్ ఇండియా మూవీ ‘దురంధర్: ది రివెంజ్’ (దురంధర్ 2) కూడా బరిలో దిగుతోంది.ఇలా ఒకే రోజు మూడు భారీ సినిమాలు పోటీ పడుతుండటం ట్రేడ్ వర్గాల్లో తీవ్ర ఆసక్తిని రేపుతోంది.