బాహుబలి సినిమాతో ప్రభాస్ ప్రపంచవ్యాప్తంగా అభిమానులను సంపాదించుకున్నారు. సామాన్యులతో పాటు సినీ స్టార్లు కూడా ప్రభాస్ కి ఫ్యాన్స్ అయిపోయారు. వీరిలో టాలీవుడ్ తారలతో పాటు బాలీవుడ్ నటీనటులున్నారు. ముఖ్యంగా బాహుబలి కంక్లూజన్ సినిమాలో ప్రభాస్ నటనను అభినందించక ఉండలేకపోతున్నారు. సల్మాన్ ఖాన్, షారూక్ ఖాన్, అమీర్ ఖాన్, అనిల్ కపూర్, వివేకే ఒబెరాయ్, శిల్పాశెట్టి, దీపికా పదుకునే, కత్రినా కైఫ్ తదితరులు బాహుబలిగా ప్రభాస్ నటనకు ఫిదా అయిపోయారు. తాజాగా ఈ జాబితాలోకి యువహీరో రణబీర్ కపూర్ చేరారు. అతను నటించిన జగ్గా జాసూస్ సినిమా ప్రచారంలో భాగంగా మీడియాకి ఇచ్చిన ఇంటర్వ్యూలో ప్రభాస్ గురించి చెప్పారు.
“ప్రభాస్ అంటే నాకు చాలా ఇష్టం. బాహుబలిలో అతని నటన అమేజింగ్” అని వివరించారు. ప్రస్తుతం ప్రభాస్ సాహో సినిమా కోసం యాక్షన్ సీన్స్ ప్రాక్టీస్ చేస్తున్నారు. సుజీత్ దర్శకత్వంలో తెరకెక్కనున్న ఈ సినిమా దుబాయ్ లో అత్యధికభాగం షూటింగ్ జరుపుకోనుంది. యువీ క్రియేషన్స్ బ్యానర్లో వంశీ, ప్రమోద్ లు భారీ బడ్జెట్ తో నిర్మిస్తున్న ఈ మూవీ ఏకకాలంలో మూడు భాషల్లో రూపుదిద్దుకోనుంది.
Also, do SUBSCRIBE to our YouTube channel to get latest Tollywood updates.
