వైరల్ అవుతున్న ‘పరమపద సోపానం’ 2వ లిరికల్ సాంగ్!

అర్జున్ అంబటి అందరికీ తెలుసు కదా. ‘అర్ధనారి’ ‘తెప్ప సముద్రం’ ‘వెడ్డింగ్ డైరీస్’ వంటి సినిమాలతో కెరీర్ ప్రారంభించాడు. అటు తర్వాత ‘బిగ్ బాస్ సీజన్ 7’ ద్వారా మంచి క్రేజ్ సంపాదించుకున్నాడు. ప్రస్తుతం రాంచరణ్ (Ram Charan) – బుచ్చిబాబు (Buchi Babu Sana)..ల ‘పెద్ది’ (Peddi)  సినిమాలో కూడా నటిస్తూ బిజీగా గడుపుతున్నాడు. మరోపక్క హీరోగా కూడా వరుస సినిమాల్లో నటిస్తున్నాడు. అతను హీరోగా రూపొందిన ‘పరమపద సోపానం’ (Paramapadha Sopanam) రిలీజ్ కి రెడీగా ఉంది. జెన్నిఫర్ ఇమ్మాన్యుయేల్ హీరోయిన్ గా నటించిన ఈ సినిమాని జూలై 11న విడుదల చేస్తున్నారు.

Paramapadha Sopanam

‘ఎస్.ఎస్.మీడియా’ సంస్థ పై గుడిమిట్ల సువర్ణలత సమర్పణలో గుడిమిట్ల శివ ప్రసాద్ ఈ చిత్రాన్ని నిర్మించగా…గుడిమిట్ల ఈశ్వర్ సహా నిర్మాతగా వ్యవహరించారు. స్టార్ డైరెక్టర్ పూరి జగన్నాథ్ (Puri Jagannadh) శిష్యులలో ఒకరైన నాగ శివ ‘పరమపద సోపానం’ (Paramapadha Sopanam) చిత్రానికి సంగీత దర్శకుడు. ఇక రవితేజ (Ravi Teja) ‘ఈగల్’ (Eagle) సినిమాతో సంగీత దర్శకుడిగా పాపులర్ అయిన డేవ్ జాండ్ ఈ సినిమాకి సంగీతం అందిస్తున్నారు. ఇప్పటికే ఫస్ట్ సింగిల్ గా ‘చిన్ని చిన్ని తప్పులేవో’ అనే లిరికల్ సాంగ్ రిలీజ్ అయ్యి మంచి రెస్పాన్స్ సంపాదించుకుంది.

ఇప్పుడు 2వ లిరికల్ సాంగ్ గా ‘భూమ్ భూమ్’ అనే మాస్ సాంగ్ ని వదిలారు. మాస్ పాటలు పాడటంతో కేరాఫ్ అడ్రస్ అయిన గీతా మాధురి ఈ పాటని పాడింది. రాంబాబు గోశాల అందించిన లిరిక్స్,సంగీత దర్శకుడు డేవ్ జాండ్ కంపోజ్ చేసిన ట్యూన్ మాస్ ప్రేక్షకులకి మంచి ఫీస్ట్ ఇచ్చే విధంగా ఉన్నాయి అని చెప్పాలి. ఈ సాంగ్ ను మీరు కూడా ఒకసారి చూస్తూ వినండి :

సందీప్‌ రెడ్డి వంగాకు ఉపాసన స్పెషల్ గిఫ్ట్‌.. ఏం పంపారో తెలుసా?