స్పైడర్ సినిమాలోని ఒక పాట రిలీజ్ కి అంతా సిద్ధం!

స్టార్ డైరక్టర్ మురుగదాస్ దర్శకత్వంలో మహేష్ బాబు చేస్తున్న స్పైడర్ సినిమాలోని ఆఖరి పాటను రేపటి నుంచి తెరకెక్కించనున్నారు.  ఇందుకోసం టీమ్ మొత్తం యూరప్ పయనమైంది. ఈ సాంగ్ తో స్పైడర్ ప్రొడక్షన్ వర్క్ కి గుమ్మడికాయ కొట్టేయనున్నారు. ఈ విషయం మహేష్ అభిమానుల్లో సంతోషం కలిగిస్తుంటే .. మరో గుడ్ న్యూస్ ని చిత్ర బృందం ప్రకటించింది. ఈ సినిమా ఆల్బమ్ లోని మొదటి పాట ‘బూమ్ బూమ్’ ను ఆగష్టు 2వ తేదీన సాయంత్రం 6 గంటలకు రిలీజ్ చేస్తారని వెల్లడించింది. పాటతో పాటే మేకింగ్ వీడియోని కూడా విడుదల చేయనున్నట్లు సమాచారం.

మంచి ఆల్బమ్స్ ఇచ్చిన హారీశ్ జైరాజ్ స్పైడర్ కోసం ఎలాంటి ట్యూన్స్ ఇచ్చారోనని అందరూ ఎదురుచూస్తున్నారు.  అంతేకాకుండా టీజర్ కూడా అదే రోజు వస్తుందని ఫిలిం నగర్ వాసులు చెబుతున్నారు. మరికొంతమంది మహేష్ పుట్టినరోజున రిలీజ్ అవుతుందని అంటున్నారు. ఈ విషయంలో చిత్ర బృందం స్పష్టమైన ప్రకటన చేయలేదు. ఇంటెలిజెన్స్ ఆఫీసర్ గా మహేష్ కనిపించనున్న ఇందులో రకుల్ ప్రీత్ సింగ్ హీరోయిన్ గా నటిస్తోంది. ఎస్.జె. సూర్య విలన్ గా విశ్వరూపం ప్రదర్శించనున్న ఈ సినిమా దసరా కానుకగా సెప్టెంబర్ 27న థియేటర్లోకి రానుంది.

Also, do SUBSCRIBE to our YouTube channel to get latest Tollywood updates.