పవర్ స్టార్ పవన్ కళ్యాణ్ , సాయిధ‌ర‌మ్ తేజ్‌కాంబినేషన్లో ఓ సినిమా రూపుదిద్దుకుంటున్న సంగతి తెలిసిందే. త‌మిళంలో సూపర్ హిట్ అయిన ‘వినోదాయ సీత‌మ్‌’ కి ఇది రీమేక్‌ కావడం విశేషం. ఈ చిత్రానికి సంబంధించి.. పవన్ కళ్యాణ్ పార్ట్ షూటింగ్ ను ఎప్పుడో కంప్లీట్ చేశాడు. ప్రస్తుతం ఈ చిత్రం షూటింగ్ శరవేగంగా జరుగుతుంది. ఈ చిత్రం టైటిల్ ను ఈరోజు సాయంత్రం 4 గంటల 14 నిమిషాలకు రివీల్ చేస్తున్నట్టు చిత్రబృందం ముందుగానే ప్రకటించింది.
వారు చెప్పినట్టే పవన్ కళ్యాణ్ ఉన్న టైటిల్ పోస్టర్ తో పాటు ఓ మోషన్ పోస్టర్ ను కూడా వదిలారు. ఈ చిత్రానికి ‘బ్రో’ అనే టైటిల్ ను ఖరారు చేసినట్టు చిత్ర బృందం ప్రకటించింది. ‘కాలః త్రిగుణ సంశ్లేశం , కాలః గమన సంకాశం’ అంటూ సాగే ఓ శ్లోకంతో మోస్టర్ పోస్టర్ 1 నిమిషం 24 సెకన్ల నిడివితో ఉంది. ఈ అప్డేట్స్ పవన్ కళ్యాణ్ అభిమానులకు మంచి కిక్ ఇచ్చాయి అనే చెప్పాలి.
అలాగే జూలై 28న ఈ చిత్రాన్ని రిలీజ్ చేస్తున్నట్టు మరోసారి చిత్ర బృందం గుర్తుచేసింది. మొదట ఈ చిత్రానికి ‘దేవుడే దిగి వ‌చ్చినా’, ‘దేవ‌ర’… వంటి టైటిల్స్ అనుకున్నారు. కానీ అవి ట్రెండీగా లేవు అనే ఉద్దేశంతో ‘బ్రో’ టైటిల్ ను ఫిక్స్ చేశారు. ఈ చిత్రంలో పవన్ కళ్యాణ్ టైంకి రూపమంటూ ఉంటే ఎలా కనిపిస్తాడో అలా కనిపిస్తాడట. సినిమాలో పవన్ కళ్యాణ్ పాత్రని సాయి ధరమ్ తేజ్.. పాత్ర ‘బ్రో’ ‘బ్రో’ అని పిలుస్తుందట.
ఈ (Bro) టైటిల్ ను ఫిక్స్ చేయడానికి అది కూడా ఓ కారణం అని చెప్పాలి. ‘పీపుల్ మీడియా ఫ్యాక్టరీ’ ‘జీ స్టూడియోస్’ సంస్థల పై టి.జి.విశ్వప్రసాద్ ఈ చిత్రాన్ని నిర్మిస్తుండగా.. వివేక్ కూచిభొట్ల సహ నిర్మాతగా వ్యవహరిస్తున్నారు. త్రివిక్రమ్ స్క్రీన్ ప్లేని అందిస్తుండగా సముద్ర ఖని దర్శకత్వం వహిస్తున్నాడు.
కస్టడీ సినిమా రివ్యూ & రేటింగ్!
ది స్టోరీ ఆఫ్ ఏ బ్యూటీఫుల్ గర్ల్ సినిమా రివ్యూ & రేటింగ్!
భీమ్లా ని కొట్టలేకపోయిన ఆదిపురుష్ ట్రైలర్.. అతి తక్కువ టైంలో 100K లైక్స్ కొట్టిన తెలుగు ట్రైలర్లు!
కమల్ హాసన్ ‘హే రామ్’ తో పాటు ఇండియాలో బ్యాన్ చేసిన సినిమాల లిస్ట్..!
Home