పవన్ ఫ్యాన్స్ కి ఇది సవాలే!

టాలీవుడ్ టాప్ స్టార్ మహేష్ ఫ్యాన్స్ నిన్న సోషల్ మీడియాపై దండెత్తారు. తమ హీరో పుట్టిన రోజు నాడు ఆయన పేరిట ఓ భారీ రికార్డు సెట్ చేసి పెట్టారు. మహేష్ బర్త్ డే యాష్ ట్యాగ్ ని భారీగా ట్రెండ్ చేసిన ఫ్యాన్స్ 60.2 మిలియన్ ట్వీట్స్ తో ప్రపంచ రికార్డు నెలకొల్పారు. దీనితో ఈ రికార్డు ని బ్రేక్ చేయాల్సిన బాధ్యత ఇప్పుడు పవన్ కళ్యాణ్ ఫ్యాన్స్ పై పడింది. ఆగస్టు లో చిరంజీవి బర్త్ డే ఉన్నప్పటికీ, ఫార్మ్ రీత్యా ఆ రికార్డు బీట్ చేసే అవకాశం పవన్ ఫ్యాన్స్ మాత్రమే ఉంటుంది.

దానికి తోడు ఆ రోజు వకీల్ సాబ్ నుండి టీజర్ కూడా రానుంది. దీనితో మహేష్ ఫ్యాన్స్ సెట్ చేసిన రికార్డు బీట్ చేయాలని పవన్ ఫ్యాన్స్ కృత నిశ్చయంతో ఉన్నారు. ఎలాగైనా ఆ రికార్డు ని బ్రేక్ చేసి మాకు సాటి లేదని నిరూపించుకోవాలని అనుకుంటున్నారు. ఐతే అదంత ఈజీ ఏమీ కాదు, అలాగని భారీ ఫ్యాన్ ఫాలోయింగ్ కలిగిన పవన్ కి అసాధ్యం అని చెప్పలేము. దీనితో మహేష్ ఫ్యాన్స్ కూడా పవన్ బర్త్ డే అయిన సెప్టెంబర్ 2 కోసం ఎదురుచూస్తున్నారు.

రెండేళ్ల తరువాత పవన్ నుండి మూవీ వస్తుండగా వకీల్ సాబ్ టీజర్ ని కూడా ఫ్యాన్స్ భారీగా ట్రెండ్ చేయాలని చూస్తున్నారు. వకీల్ సాబ్ టీజర్ పై ఇంత వరకు అధికారిక ప్రకటన లేదు. ఐతే 90శాతం షూటింగ్ జరుపుకున్న ఈ మూవీ 20రోజుల షూటింగ్ మాత్రమే మిగిలివుంది. హీరోయిన్ గా నటిస్తున్న శృతి హాసన్ కాంబినేషన్ సన్నివేశాలతో పాటు, ఓ సాంగ్ మరియు కొన్ని కోర్ట్ రూమ్ సన్నివేశాలు చిత్రీకరించాల్సి ఉంది. కాబట్టి వకీల్ సాబ్ నుండి పవన్ పుట్టిన రోజు టీజర్ రావడం గ్యారంటీ అని తెలుస్తుంది.

Most Recommended Video

‘ఉమామహేశ్వర ఉగ్రరూపస్య’ హీరోయిన్ రూప గురించి మనకు తెలియని విషయాలు..!
పోకిరి మూవీలో పూరిజగన్నాథ్ సోనూసూద్ నీ హీరోగా అనుకున్నాడట!
క్రేజీ హీరోలను లాంచ్ చేసే అవకాశాన్ని మిస్ చేసుకున్న డైరెక్టర్లు?