ఆ రకంగా పవన్, చరణ్.. ఆ సెంటిమెంట్ ను బ్రేక్ చేసారు…!

టాలీవుడ్ సినిమాని మరో స్థాయికి తీసుకెళ్లిన వారిలో మెగాస్టార్ చిరంజీవి కూడా ఉంటారు. ఆయన ఎన్నో హిట్లు , సూపర్ హిట్లు అందుకున్నారు. సౌత్ లో కోటి రూపాయలు తీసుకున్న మొదటి వ్యక్తి ఆయనే..! అలాంటి మెగాస్టార్ చెయ్యలేనిది అంటూ ఏముంది అనేగా మీ డౌట్..! అదేమీ లేదండీ…ఇప్పటి వరకూ బాలీవుడ్ మెగాస్టార్ అమితాబ్ బచ్చన్ నటించిన సినిమాల్ని రీమేక్ చేసినప్పటికీ ఆయన చేసిన పాత్రల్ని మాత్రం చేయలేదు మన మెగాస్టార్.

‘ముఖద్దర్ కా సికిందర్’ చిత్రాన్ని తెలుగులో ‘ప్రేమ తరంగాలు’ రీమేక్ చేసినా.. ఆ చిత్రంలో అమితాబ్ బచ్చన్ పాత్ర కాకుండా.. వినోద్ ఖన్నా పాత్రను తెలుగులో చేసారు మన మెగాస్టార్. ఇక చిరంజీవి హీరోగా నటించిన ‘చట్టానికి కళ్లులేవు’ చిత్రాన్ని హిందీలో అమితాబ్ హీరోగా రీమేక్‌ అయితే అందులో ఆయన.. చిరంజీవి చేసిన పాత్రను చెయ్యలేదు. ఇలా చిరంజీవి హిందీలో అమితాబ్ బచ్చన్ చేసిన ఏ పాత్రను తెలుగులో చేయలేకపోయారన్న మాట.

అయినప్పటికీ ఈ ఇద్దరు మెగాస్టార్ లు కలిసి ‘సైరా నరసింహారెడ్డి’ చిత్రంలో నటించారు. అయితే మన చరణ్ మాత్రం… అమితాబ్ నటించిన సూపర్ హిట్ చిత్రం ‘జంజీర్’ రీమేక్ లో నటించాడు. తెలుగులో ఈ చిత్రం ‘తుఫాన్’ పేరుతో రీమేక్ అయ్యింది. అయితే సినిమా డిజాస్టర్ అయ్యింది అనుకోండి. అయితే అమితాబ్ పాత్రనే చరణ్ పోషించాడు. ఇక ఇప్పుడు ‘పింక్’ రీమేక్ లో పవన్ కళ్యాణ్ నటిస్తున్న సంగతి తెలిసిందే. ‘వకీల్ సాబ్’ పేరుతో రీమేక్ కాబోతున్న ఈ చిత్రం అమితాబ్ పోషించిన పాత్రనే పవన్ కళ్యాణ్ పోషిస్తున్నాడు.

Most Recommended Video

ఈ 17 ఏళ్లలో బన్నీ వదులుకున్న సినిమాలు ఇవే!
మన టాలీవుడ్ డైరెక్టర్స్ మరియు వారి భార్యలు!
సొంత మరదళ్ళను పెళ్లాడిన టాప్ స్టార్స్