చిరు, చరణ్ వల్లే కాలేదు, విజయ్ కొడతాడా?

March 20, 2020 / 05:55 PM IST

Join Us

హీరో విజయ్ దేవరకొండ, డైనమిక్ డైరెక్టర్ పూరి జగన్నాధ్ పెద్ద సాహసమే చేస్తున్నారు. వీరిద్దరూ బాలీవుడ్ ని గెలవాలని గట్టి పట్టుదలతో ఉన్నారు. వీరిద్దరూ కాంబినేషన్ లో తెరకెక్కుతున్న చిత్రం హిందీ మరియు తెలుగు, తమిళ భాషలలో విడుదల కానుంది. పూరికి గతంలో హిందీ చిత్రాలకు దర్శకత్వం వహించిన అనుభవం ఉండగా విజయ్ దేవరకొండకు మాత్రం ఇదే ఫస్ట్ మూవీ. బాలీవుడ్ లో టాలీవుడ్ స్టార్ హీరోలు సైతం నెగ్గుకు రాలేని పరిస్థితి. ఇప్పటికే చిరంజీవి నుండి చరణ్ వరకు చాల మంది అక్కడ జెండా పాతాలని చూశారు. ఐతే ప్రభాస్ అందరితో పోల్చుకుంటే కొంత మెరుగైన ట్రాక్ కలిగి ఉన్నాడు. బాహుబలి చిత్రాలతో పాటు, సాహు అక్కడ హిట్ గా నిలిచింది. ప్రభాస్ ని సైతం తొక్కేయాలని అక్కడ మీడియా చాల ట్రై చేసింది. క్రిటిక్స్ సైతం సాహోకి దారుణమైన రేటింగ్స్ ఇచ్చారు. అయినప్పటికీ సాహో హిందీలో 150 కోట్ల గ్రాస్ వసూళ్లు సాధించి అబ్బురపరిచింది.

Can Vijay Deverakonda Reach The Target1

మరి ఓ స్థాయి స్టార్ డమ్ కూడా లేని విజయ్ అక్కడ నెగ్గుకు రాగలడా అనేది ఆసక్తికరంగా మారింది. మూవీ సైతం భారీ బడ్జెట్ తో తెరకెక్కిస్తున్నారు. మూడు భాషలలో పాన్ ఇండియా మూవీ గా తెరకెక్కుతున్న ఈ చిత్రం ఎంత వరకు విజయం సాధిస్తుందనేది కీలకంగా మారింది. ఒక వేళ హిందీలో ఈ చిత్రం సూపర్ హిట్ టాక్ తెచ్చుకుంటే విజయ్ బాలీవుడ్ లో ముందుకెళ్లే అవకాశాలు ఉంటాయి. లేదంటే ఆయన టాలీవుడ్ లో సైతం ప్రతి కూల పరిస్థితులు ఎదుర్కోవాల్సివస్తుంది. ఆయన గత రెండు చిత్రాలు భారీ అంచనాల మధ్య విడుదలై కనీస వసూళ్లు దక్కించుకోలేక పోయాయి. మరి పూరి సినిమాకు సైతం బాడ్ టాక్ వస్తే నష్టాలు భారీగా ఉండే అవకాశం కలదు. అలాగే విజయ్ బాలీవుడ్ లో ఎదుగుదామన్న ఆశకు సైతం గండిపడుతుంది. కాబట్టి విజయ్ పూరి లకు ఇది విషమ పరిస్థితే.