మాస్ మహారాజా రవితేజ, రమేష్ వర్మ కాంబినేషన్‌లో రూపొందిన సినిమా ‘ఖిలాడి’. జయంతిలాల్‌ గడ సమర్పణలో హ‌వీష్ ప్రొడ‌క్ష‌న్‌, పెన్ స్టూడియోస్ బ్యానర్‌పై తెరకెక్కిన ఈ సినిమాలో రవితేజ సరసన మీనాక్షి చౌదరి, డింపుల్ హయతి హీరోయిన్లుగా నటించారు. యాంకర్ అనసూయ, అర్జున్ సర్జా, ఉన్ని ముకుందన్ కీలక పాత్రలు పోషించారు. ఈ సినిమా ఈ నెల 11న తెలుగు, హిందీ భాషల్లో విడుదలైంది. ఈ క్రమంలో ఖిలాడి దర్శకనిర్మాతలపై బాలీవుడ్ నిర్మాత రతన్‌ జైన్‌ కేసు పెట్టారు.
‘ఖిలాడి’ సినిమా టైటిల్ తనకు చెందినదని.. 1992లో అక్షయ్ కుమార్ హీరోగా ఇదే టైటిల్ తో సినిమా రిలీజ్ చేసినట్లు పేర్కొన్నారు. ఈ విషయం గురించి మీడియాతో మాట్లాడిన ఆయన.. ‘ఖిలాడి’ పేరుతో దక్షిణాదిలో సినిమా తెరకెక్కుంతుదన్న విషయం తనకు ఇంతవరకు తెలియదని అన్నారు. ఈ మధ్యే ట్రైలర్‌ చూశాక తెలిసిందని చెప్పారు.
ట్రేడ్‌ మార్క్‌ యాక్ట్‌ కింద ఇదివరకే ఖిలాడీ టైటిల్‌ను తను రిజిస్టర్‌ చేయించానని, కాబట్టి రవితేజ కథానాయకుడిగా నటించిన ఖిలాడి టైటిల్ మార్చాలని డిమాండ్‌ చేస్తున్నారు. తాను డబ్బులు ఆశించడం లేదని, ఖిలాడి సినిమా ప్రతిష్ట గురించే ఆలోచిస్తున్నానని చెప్పుకొచ్చారు. దక్షిణాదిన లోకల్‌ అసోసియేషన్స్‌లో టైటిల్ రిజిస్టర్‌ చేయించి వారి సినిమాలను అదే టైటిల్‌తో హిందీలో కూడా రిలీజ్ చేస్తున్నారని మండిపడ్డారు.
హిందీ సినిమా టైటిల్స్‌కు దగ్గరగా ఉండే డబ్బింగ్‌ సినిమాలను దేశవ్యాప్తంగా విడుదల చేసేందుకు సీబీఎఫ్‌సీ పర్మిషన్‌ ఇవ్వడం వల్లే ఇలా జరుగుతుందని, గతంలో ఇలాంటి పరిస్థితి లేదని అన్నారు. ‘ఖిలాడి’ సినిమా హిందీలో రిలీజ్ అవుతున్న విషయం కూడా తనకు తెలియదని అన్నారు. ఈ సినిమా టైటిల్‌ను మార్చేవరకు రిలీజ్‌ను ఆపాలని కోర్టును సంప్రదించగా.. అప్పటికే సమయం మించిపోయిందని మెజిస్ట్రేట్‌ వ్యాఖ్యానించిందని.. దీంతో కనీసం ఓటీటీ రిలీజ్‌ను అయినా ఆపాలని కోర్టుని కోరారు. మరి దీనిపై ‘ఖిలాడి’ టీమ్ ఎలా స్పందిస్తుందో చూడాలి!
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home