‘ఇద్దరమ్మాయిలతో’ సినిమాతో టాలీవుడ్ లో హీరోయిన్ గా ఎంట్రీ ఇచ్చింది కేథరిన్ త్రెసా. ఈ సినిమా ఫ్లాప్ అయినప్పటికీ ఆమెకి అవకాశాలు బాగానే వచ్చాయి. అల్లు అర్జున్ తన సినిమాల్లో కేథరిన్ ని బాగానే రిపీట్ చేశారు. తెలుగులో చివరిగా ఆమె ‘వరల్డ్ ఫేమస్ లవర్’ సినిమాలో కనిపించింది. ప్రస్తుతం ఆమె తెలుగులో మూడు సినిమాల్లో నటిస్తోంది. కళ్యాణ్ రామ్ తో ‘బింబిసార’, నితిన్ నటిస్తోన్న ‘మాచర్ల నియోజకవర్గం’ సినిమాల్లో కనిపించనుంది.
అలానే ‘భళా తందనాన’ అనే మరో సినిమాలో నటిస్తోంది. ఇప్పుడు ఏకంగా మెగాస్టార్ చిరంజీవి సినిమాలో ఛాన్స్ కొట్టేసింది. చిరు హీరోగా దర్శకుడు బాబీ ఓ సినిమాను రూపొందిస్తోన్న సంగతి తెలిసిందే. దీనికి ‘వాల్తేర్ వీరయ్య’ అనే టైటిల్ పెట్టబోతున్నట్లు టాక్. ఈ సినిమాలో చిరు సరసన హీరోయిన్ గా శృతిహాసన్ కనిపించనుంది. అలానే సినిమాలో మాస్ మహారాజా రవితేజ కీలకపాత్ర పోషించనున్నారు. కథ ప్రకారం.. రవితేజ సరసన కూడా ఓ హీరోయిన్ ఉంటుందట.
దీనికోసం ముందుగా నివేతా పేతురేజ్ ని తీసుకోవాలనుకున్నారు. ఆమె కూడా ఓకే చెప్పింది. కానీ ఏమైందో ఏమో ఆమె ప్రాజెక్ట్ నుంచి తప్పుకుంది. ఇప్పుడు ఆమెకి బదులుగా కేథరిన్ ని రంగంలోకి దింపుతున్నారు. ఇంత పెద్ద ప్రాజెక్ట్ లో కేథరిన్ కి ఛాన్స్ రావడం విశేషం. ఈ సినిమా గనుక హిట్ అయితే ఆమెకి మరిన్ని అవకాశాలు వస్తాయి. ఆ విధంగా తెలుగులో మరోసారి బిజీ అవ్వడం ఖాయం. ఇప్పటికే చిరు సినిమా షూటింగ్ కొంతవరకు పూర్తి చేసుకుంది.
ఇది వైజాగ్ బ్యాక్ డ్రాప్ లో నడిచే కథ అని తెలుస్తోంది. సినిమాలో యాక్షన్ సీన్స్ ఓ రేంజ్ లో ఉండబోతున్నాయని సమాచారం. చిరుని ఊరమాస్ లో చూపిస్తూ.. దానికి తగ్గ యాసతో డైలాగ్స్ చెప్పించబోతున్నారు దర్శకుడు. దేవి శ్రీ ప్రసాద్ ఈ సినిమాకు సంగీతం అందిస్తుండగా మైత్రీ మూవీ మేకర్స్ బ్యానర్ పై ఈ సినిమా తెరకెక్కుతోంది.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
Home