అమ్మాయిలు అవునంటే కాదని, కాదంటే అవుననీ అర్థం చేసుకోవాలంటారు. తారల మాటలకూ ఇలాగే వ్యతిరేక అర్థాలు తీసుకోవాలేమో. అందాల నాయిక క్యాథరీన్‌ ట్రెసా వ్యవహారం దీనికేం తీసిపోలేదు. ప్రత్యేక గీతాలకు దూరం దూరమంటూనే మరో పాటకు తయారవుతోంది. ఏమంటే ఆ దర్శకుడు అప్పట్లో మంచి క్యారెక్టర్‌ ఇచ్చారని సమాధానమిస్తోంది. అలాగని క్యాథరీన్‌ ఖాళీగా ఏం లేదు. ఈ ఏడాది నాలుగు చిత్రాలతో తీరిక లేకుండానే ఉంది. వాటిలో తమిళ, మలయాళ చిత్రాలున్నాయి…కాగా త్వరలో రవితేజ సరసన క్యాథరీన్‌ ఆడిపాడబోతోంది.
దర్శకుడు సంతోష్‌ శ్రీనివాస్‌ రవితేజ హీరోగా రూపొందించబోతున్న చిత్రంలో ఈ సుందరే నాయికగా ఎంపికైందట. ఈలోగా రామ్‌ చరణ్ బోయపాటి వినయ విధేయ రామ సినిమా ప్రత్యేక గీతానికి సిద్ధమవుతోంది. గతంలో జయ జానకీ నాయకా చిత్రంలో ఏ ఫర్‌ యాపిలూ అనే పాటలో అందాలను ఆరేసింది. సినిమాల్లో నాయికలను తక్కువ చేసి చూపిస్తున్నారని పలుమార్లు చెప్పిన క్యాథరీన్‌ తనే ప్రత్యేక గీతాలకు ముందుకు రావడం విశేషమే మరి.
