అద్భుతమైన టాలెంట్ చరణ్ సొంతం : వివేక్ ఒబెరాయ్

బాలీవుడ్ హీరో వివేక్ ఒబెరాయ్ తన నటనతో ఉత్తరాది ప్రజలనే కాదు.. దక్షిణాది ప్రజలను సైతం ఆకట్టుకున్నారు. రక్త చరిత్ర సినిమా ద్వారా తెలుగువారికి దగ్గరైన ఇతను ప్రస్తుతం రామ్ చరణ్, బోయపాటి కాంబినేషన్లో తెరకెక్కుతోన్న మూవీలో విలన్ గా నటిస్తున్నారు. డివివి దానయ్య నిర్మిస్తున్న సినిమా నిన్నటి నుంచి ఐరోపాలోని “అజర్ బైజాన్” ప్రాంతంలో షూటింగ్ జరుపుకుంటోంది. అక్కడ భారీ యాక్షన్ షెడ్యూల్ 25 రోజుల పాటు కొనసాగనుంది. ఈ రోజు షూటింగ్ లో వివేక్ ఒబెరాయ్ జాయిన్ అయ్యారు. ఈ సందర్భంగా ఈ సినిమా గురించి, రామ్ చరణ్ గురించి ట్విట్టర్ వేదికపై వెల్లడించారు.

“‘అజర్ బైజాన్’ దేశం పౌరుషానికి ప్రతీక .. అలాంటి దేశంలో ఈ సినిమా షూటింగు జరుగుతూ ఉండటం ఆనందంగా ఉంది. మాస్టర్ డైరెక్టర్ బోయపాటి టేకింగ్ ఎంతో గొప్పగా ఉంది. అద్భుతమైన టాలెంట్ చరణ్ సొంతం .. ఆయనతో కలిసి నటించడం ఎంతో సంతోషాన్ని కలిగిస్తోంది. ఒక్కమాటలో చెప్పాలంటే సీట్ ఎడ్జ్ పై కూర్చుని ఎంజాయ్ చేయవలసిన సినిమా ఇది .. ఎదురుచూస్తూ ఉండండి” అంటూ ట్వీట్ చేశాడు. అలాగే లొకేషన్ లోని ఫోటోను షేర్ చేశారు. బోయపాటి అంటే యాక్షన్ అదిరిపోతుంది. పైగా బాలీవుడ్ నటుడు ఈ సినిమా గురించి చెప్పడంతో మెగా అభిమానుల్లో అంచనాలు పెరిగిపోయాయి. బాలీవుడ్ బ్యూటీ కైరా అద్వానీ హీరోయిన్ గా నటిస్తున్న ఈ మూవీ సంక్రాంతికి థియేటర్లోకి రానుంది.