తన స్టైల్ లో చరణ్ కి వెల్కమ్ చెవుతున్న చిరు..!

March 26, 2020 / 01:49 PM ISTByFilmy Focus

Join Us

తన స్టైల్ లో చరణ్ కి వెల్కమ్ చెవుతున్న చిరు..!

మెగాస్టార్ చిరంజీవి ని వరుస ట్వీట్లతో హోరెత్తిస్తున్నారు. చిరు నిన్న ఉగాది కానుకగా ట్విట్టర్ ఎంట్రీ ఇవ్వగా టాలీవుడ్ ప్రముఖులు మరియు స్టార్ హీరోలు గ్రాండ్ వెల్కమ్ ఇవ్వడం జరిగింది. ఇక చిరంజీవిని అనుసరిస్తూ రామ్ చరణ్ కూడా తన ట్విట్టర్ అకౌంట్ ని పునరుద్ధరించడం జరిగింది.గతంలో రామ్ చరణ్ కి ట్విట్టర్ అకౌంట్ ఉండేది. కారణం ఏదైనా దానిని ఆయన వదిలివేయడం జరిగింది. తాజాగా ఆల్ వేస్ రామ్ చరణ్ పేరుతో ఆయన ట్విట్టర్ అకౌంట్ ప్రారంభించారు.

కాగా మెగాస్టార్ తన కొడుకు రామ్ చరణ్ ట్విట్టర్ ఎంట్రీకి స్వాగతం పలకడంతో పాటు పుత్రోత్సహం చాటుకున్నారు. సింహాన్ని అనుసరిస్తున్న సింహపు పిల్ల అని ట్వీట్ చేశారు.సింహం లాంటి తనని అనుసరిస్తూ సింహపు పిల్ల చరణ్ కూడా ట్విట్టర్ అకౌంట్ ప్రారంభించాడు అనే ఉద్దేశంతో ఆయన ట్వీట్ చేయడం జరిగింది. సామజిక మాధ్యమం వేడుకగా ఆయన కొడుకు పట్ల స్పందించిన తీరు చూస్తుంటే కొడుకు పట్ల చిరుకి ఉన్న ప్రేమ అర్థం అవుతుంది.

ఇక దీనికి స్పందనగా రామ్ చరణ్ థాంక్స్ డాడీ అని రిప్లై ఇచ్చారు. చిరు-చరణ్ ఇప్పటికే కొన్ని సినిమాలలో వెండి తెరపై కలిసి నటించి ఫ్యాన్స్ కి పండగ పంచారు. దర్శకుడు కొరటాల శివ తెరకెక్కిస్తున్న చిత్రంలో కూడా వీరిద్దరూ కలిసి నటించనున్నారు. కొణిదెల ప్రొడక్షన్స్ బ్యానర్ లో రామ్ చరణ్ కొణిదెల భారీ బడ్జెట్ తో ఈ చిత్రాన్ని తెరకెక్కిస్తున్నారు. కాజల్ అగర్వాల్ రెండో సారి చిరుకి జంటగా నటిస్తుండగా, మణిశర్మ సంగీతం అందిస్తున్నారు.