Chiru, Pawan: ‘భోళా శంకర్’ లో పవన్ కళ్యాణ్ అభిమానిగా కనిపించబోతున్న చిరు

మెగాస్టార్ చిరంజీవి హీరోగా మెహర్ రమేష్ దర్శకత్వంలో ‘భోళా శంకర్’ అనే చిత్రం రూపొందుతోంది. కోలీవుడ్లో సూపర్ హిట్ అయిన ‘వేదాళం’ కి రీమేక్ గా ఈ చిత్రం తెరకెక్కుతుంది. తమన్నా హీరోయిన్ గా నటిస్తున్న ఈ మూవీలో చిరుకి చెల్లెలుగా కీర్తి సురేష్ కనిపించనుంది. నిజానికి ‘వేదాళం’ సినిమా కథ తెలుగులో వచ్చిన ‘శౌర్యం’ ‘ఊసరవెల్లి’ చిత్రాలకు దగ్గరగా ఉంటుంది. అందుకే తెలుగు ప్రేక్షకుల అభిరుచికి తగినట్టు చాలా మార్పులు చేశారని ఇన్సైడ్ టాక్.

‘వాల్తేరు వీరయ్య’ తో పెద్ద బ్లాక్ బస్టర్ అందుకున్న చిరు.. ‘భోళా శంకర్’ తో కూడా మరో హిట్ అందుకోవాలని ఫుల్ జోష్ తో పనిచేస్తున్నారు. ముఖ్యంగా ఈ చిత్రం సక్సెస్ అవ్వడం అనేది దర్శకుడు మెహర్ రమేష్ కు చాలా ముఖ్యం. చిరు కూడా అందుకే కష్టపడి పనిచేస్తున్నారు. ఇదిలా ఉండగా.. ఈ చిత్రం పవన్ కళ్యాణ్ అభిమానులను కూడా ఆకట్టుకునే విధంగా ఉంటుందట. ‘భోళా శంకర్’ లో చిరంజీవి తన తమ్ముడు పవన్ కళ్యాణ్ కు అభిమానిగా కనిపిస్తారట.

అంతేకాదు పవన్ కళ్యాణ్ సూపర్ హిట్ సాంగ్స్ అయిన ఆడవారి మాటలకు అర్ధాలే వేరులే వంటి పాటలకు స్టెప్పులు వేస్తారట.అంతేకాదు పవన్ కళ్యాణ్ మెడ గోక్కునే మేనరిజంని చిరు కూడా ఇమిటేట్ చేస్తారట. అలాగే ‘ఖుషి’ లో నడుము సీన్ ను శ్రీముఖి- చిరు లతో పేరడీ చేయిస్తారని తెలుస్తుంది.

ఈ సన్నివేశాలు చూస్తున్నప్పుడు థియేటర్లు దద్దరిల్లడం గ్యారెంటీ అని తెలుస్తుంది. అనిల్ సుంకర ఈ చిత్రాన్ని భారీ బడ్జెట్ తో నిర్మిస్తున్నారు. సమ్మర్ కానుకగా ఏప్రిల్ లో ఈ చిత్రం విడుదలయ్యే అవకాశాలు కనిపిస్తున్నాయి.

సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?

టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?