చిరంజీవి ప్రత్యేక పూజ ఎందుకు చేస్తున్నారో తెలుసా!

మెగాస్టార్ చిరంజీవి గుర్రపు స్వారీ చేస్తే ఆ మూవీ సూపర్ హిట్ అవుతుంది. చిరు కౌ బాయ్ గా నటించిన కొదమ సింహం, కొండవీటి దొంగ వంటి చిత్రాలు బ్లాక్ బస్టర్ గా నిలిచాయి. కానీ కొంతకాలంగా ఆ సెంటి మెంట్ ఎందుకో వర్కౌట్ కావడం లేదు. చిరు గుర్రంపై స్వారీ చేసిన అంజి, బ్రూస్లీ సినిమాలు ఫెయిల్ అయ్యాయి. దాంతో చిరంజీవి గుర్రం ఎక్కాలంటే ఆలోచిస్తున్నారు. పైగా అతను ఖైదీ నంబర్ 150 తర్వాత  చేయనున్న ఉయ్యాలవాడ నరసింహారెడ్డి సినిమాలో ఎక్కువ సేపు గుర్రాలపైనే ఉండాలి. పైగా యాక్షన్ సీన్స్ ఉన్నాయి. ఇది కూడా అంజి సినిమా మాదిరిగా అవుతుందని భయపడుతున్న చిరుకి పండితులు పూజ చేస్తే దోషం పోతుందని చెప్పారంట.

అందుకే పెద్ద ఎత్తున పూజ నిర్వహించేందుకు ఏర్పాట్లు చేస్తున్నట్లు తెలిసింది. కొణిదెల ప్రొడక్షన్స్ బ్యానర్లో రామ్ చరణ్ తేజ్ నిర్మిస్తున్న ఈ సినిమాని సురేందర్ రెడ్డి తెరకెక్కించనున్నారు. బ్రిటీష్ దొరలను గడగడలాడించిన ఉయ్యాలవాడ జీవితం ఆధారంగా రూపొందుతున్న ఈ మూవీ ఆగస్టు లో సెట్స్ మీదకు వెళ్లనుంది.

Also, do SUBSCRIBE to our YouTube channel to get latest Tollywood updates.