భోళా శంకర్ రిలీజ్ డేట్ తో మహేష్ కు ఇబ్బందేనా?

ప్రస్తుతం తెలుగు సినిమాలకు రిలీజ్ డేట్లను ఫిక్స్ చేసే విషయంలో చాలా సమస్యలు ఎదురవుతున్నాయి. అందరు స్టార్ హీరోలు పండుగలకు తమ సినిమాలను రిలీజ్ చేయాలని భావిస్తున్నారు. 2024 సంక్రాంతి కానుకగా, సమ్మర్ కానుకగా పలు సినిమాలు విడుదల కానున్నాయని ఇప్పటికే ప్రకటనలు వెలువడిన సంగతి తెలిసిందే. అయితే పలు సినిమాల రిలీజ్ డేట్లలో మార్పులు చోటు చేసుకుంటున్నాయి. వాస్తవానికి భోళా శంకర్ సినిమాను ఈ ఏడాది దసరా కానుకగా రిలీజ్ చేయాలని చిరంజీవి భావించారు.

అయితే దసరా పండుగకు అటూఇటుగా సలార్ సినిమాతో పాటు బాలయ్య అనిల్ రావిపూడి కాంబో మూవీ ఫిక్స్ కావడంతో ఆగష్టు 11వ తేదీన ఈ సినిమాను రిలీజ్ చేయాలని మేకర్స్ భావిస్తున్నట్టు తెలుస్తోంది. ఇప్పటికే అదే సమయానికి మహేష్ త్రివిక్రమ్ కాంబో మూవీ ఫిక్స్ అయింది. ఒక సినిమాతో మరో సినిమా పోటీ పడితే రెండు సినిమాలు నష్టపోతాయి. భోళా శంకర్ మూవీ రిలీజ్ డేట్ తో మహేష్ కు ఇబ్బందేనని చెప్పవచ్చు.

అయితే భోళా శంకర్ రిలీజ్ డేట్ కు సంబంధించి అధికారికంగా స్పష్టత రావాల్సి ఉంది. భోళా శంకర్ మూవీ ఒకింత భారీ బడ్జెట్ తో తెరకెక్కుతోంది. వేదాళం సినిమాకు రీమేక్ గా ఈ సినిమా తెరకెక్కడం గమనార్హం. దాదాపుగా పదేళ్ల గ్యాప్ తర్వాత మెహర్ రమేష్ ఈ సినిమాకు దర్శకత్వం వహిస్తున్నారు. ఈ సినిమా ఫలితం మెహర్ రమేష్ కెరీర్ ను డిసైడ్ చేయనుంది. మెహర్ రమేష్ ఈ సినిమాకు తక్కువ మొత్తం పారితోషికంగా తీసుకుంటున్నారు.

మెహర్ రమేష్ చిరంజీవికి దూరపు బంధువు కావడంతో ఈ అవకాశం వచ్చినట్టు సమాచారం. చిరంజీవి ఈ సినిమా విషయంలో పూర్తిస్థాయిలో కాన్ఫిడెన్స్ తో ఉన్నారు. కీర్తి సురేష్, తమన్నా హీరోయిన్లుగా నటించడం ఈ సినిమాకు మరో విధంగా ప్లస్ అయింది.

సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?

టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?