నాలుగైదు నెలల్లో ఓ సినిమా పూర్తి చేసి రిలీజ్‌ చేయడం సాధ్యమేనా? ఇప్పుడంటే హీరోల పాజ్‌లు, గ్యాప్‌లు, టూర్‌లు, ట్రిప్‌లు ఉండి… కుదరడం లేదు కానీ.. ఒకప్పుడు ఇది పెద్ద విషయమే కాదు. అయితే ఇప్పుడు మాత్రం సీనియర్‌ స్టార్ హీరోలకే సాధ్యం అని చెప్పొచ్చు. ఇప్పుడెందుకీ నాలుగైదు నెలల కాన్సెప్ట్‌.. అనుకుంటున్నారా. ఉంది.. కారణం ఉంది. ఓ సీనియర్‌ స్టార్ హీరో సినిమాను త్వరలో స్టార్ట్‌ చేసి పొంగల్ రిలీజ్‌కి ప్లాన్‌ చేస్తున్నారట. ఆ స్టార్ హీరో చిరంజీవే.
వచ్చే సంక్రాంతికి సంబంధించి సినిమాల విడుదల విషయంలో ఇప్పటికే చిన్న క్లారిటీ వచ్చింది. ప్రభాస్‌, రామ్‌చరణ్‌, మహేష్‌బాబు, పవన్ కల్యాణ్‌… ఇలా పెద్ద హీరోలు ఉంటారు అనుకున్నారంతా. కానీ ఏమైందో ఏమో.. అనుకున్న సినిమాలేవీ ఆ టైమ్‌కి వచ్చేలా లేవు అంటున్నారు. ఈ నేపథ్యంలో రవితేజ ఇటీవల తన కొత్త సినిమా ‘ఈగల్‌’ రిలీజ్‌ డేట్‌ను పొంగల్ అని ప్రకటించాడు. దీంతో మరికొన్ని సినిమాలకు సంక్రాంతి బెర్త్‌లు ఉన్నాయి అని చెప్పొచ్చు. ఈ నేపథ్యంలో మెగాస్టార్‌ ఆ స్లాట్‌ తీసుకుంటున్నారు అంటున్నారు.
ఈ మేరకు తన కొత్త సినిమాను ఆ టైమ్‌ కల్లా సిద్ధం చేయాలని చూస్తున్నారట. అయితే ఇక్కడ విషయం ఏంటంటే.. ఆ సినిమా ఇంకా స్టార్ట్‌ అవ్వలేదు. ఆ మాటకొస్తే ఇంకా అనౌన్స్‌మెంట్‌ కూడా కాలేదు. ఆగస్టులో ఆ సినిమా ప్రారంభం అని అంటున్నారు. చిరంజీవి – కల్యాణ్‌ కృష్ణ కాంబినేషన్‌లో రూపొందబోయే సినిమా గురించే ఇదంతా. మలయాళ సినిమా ‘బ్రో డాడీ’ స్ఫూర్తితో కల్యాణ్‌ కృష్ణ డైరక్షన్‌లో చిరంజీవి ఓ సినిమా చేయబోతున్నారు.
(Chiranjeevi) బాస్‌ పుట్టిన రోజు సందర్భంగా ఆగస్టులో సినిమా షూట్‌ ఉండొచ్చు. ఆ సినిమాను వీలైనంత త్వరగా పూర్తి చేసి పొంగల్ ఫైట్‌లో దింపాలని ప్లాన్‌ వేస్తున్నారని టాక్‌. చిరు తనయ సుస్మిత నిర్మాతగా ఈ సినిమా రూపొందబోతోంది. ఇందులో చిరు సరసన త్రిష నటిస్తుండగా.. మరో పెయిర్‌గా సిద్ధు జొన్నలగడ్డ – శ్రీలీల నటిస్తారని సమాచారం.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
Home