సెకండ్‌ ఇన్నింగ్స్‌లో చిరంజీవి వరుస సినిమాలు చేస్తున్నారు? అంతేకాదు ఈ క్రమంలో తన ఇష్టులు, కుటుంబ సభ్యులు, సన్నిహితులకు సినిమాలు చేస్తూ వస్తున్నారు. చిరంజీవి లైనప్‌ చూస్తే ఈ విషయం బాగా అర్థమైపోతుంది. అలా ఆయన నిర్మాతల లైనప్‌లో మరో కుటుంబ సభ్యురాలు చేరారని టాక్‌. ఆమెనే పెద్ద కూతురు సుస్మిత. అవును అల్లుడు విష్ణు ప్రసాద్‌, కుమార్తె సుస్మిత నిర్మాణంలో చిరంజీవి ఓ సినిమాలో నటిస్తారని చెబుతున్నారు. చిరంజీవి రీఎంట్రీ రామ్‌చరణ్‌ నిర్మాణంతో జరిగిన విషయం తెలిసిందే. కొణిదెల ప్రొడక్షన్స్‌ అనే బ్యానర్‌ పెట్టి ‘ఖైదీ నెంబర్‌ 150’ తీశారు.
ఆ సినిమా తర్వాత చిరంజీవి చేసిన ‘సైరా’ నిర్మాణం కూడా ఆ సంస్థదే. ఇప్పుడు ‘ఆచార్య’లో ఆ ప్రొడక్షన్‌ హౌస్‌ భాగం కూడా. అలా కొడుక్కి వరుసగా సినిమాలు చేసిన చిరు.. ఆ తర్వాత సన్నిహితులకు చేస్తున్నారు. ఆ తర్వాత సుస్మిత కోసం సినిమా చేస్తారని అంటున్నారు. సుస్మిత ఇటీవల గోల్డ్‌ బాక్స్‌ ఎంటర్‌టైన్మెంట్స్‌ పేరుతో ఓ నిర్మాణ సంస్థ ఏర్పాటు చేసిన విషయం తెలిసిందే. ఈ బ్యానర్‌పై ఇటీవల ‘శ్రీదేవి శోభన్‌బాబు’ సినిమా చేశారు.
త్వరలో ఈ సినిమాను విడుదల చేస్తున్నారు. ఆ తర్వాత చిరు సినిమానే అంటున్నారు. అయితే చిరంజీవి లైనప్‌లో నెక్స్ట్‌ ఏ సినిమా, దర్శకుడు ఎవరు అనేది తెలియడం లేదు. చిరు ఇటీవల చెప్పి ‘పాత + పాత = రోత’ కాన్సెప్ట్‌ చూస్తే కుర్ర దర్శకుడే అవుతాడు. ఇందాక చెప్పినట్లు చిరు నెక్స్ట్‌ సినిమాల నిర్మాతలు సన్నిహితులు.. ఎలా అంటే? చిరంజీవితో ఎన్నో ఏళ్లుగా సినిమా చేయాలనుకుంటున్న సన్నిహితుడు డీవీవీ దానయ్యకు ఇటీవలే అవకాశం ఇచ్చారు.
వెంకీ కుడుమల సినిమాకే ఆయనే నిర్మాత. ఇందులో సహ నిర్మాత చిరంజీవి సోదరి అని సమాచారం. ఇక ‘భోళాశంకర్‌’ సినిమాలో చిరంజీవి సన్నిహితుడు కేఎస్‌ రామారావు నిర్మాణ భాగస్వామి. ‘గాడ్‌ఫాదర్‌’ నిర్మాత ఎన్వీ ప్రసాద్‌ చిరంజీవికి బాగా సన్నిహితులు. ఇలా వరుస సినిమాలు సన్నిహిత నిర్మాతలకే.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
