టాలీవుడ్‌లో చిరంజీవికి ఫ్యాన్‌ కాని యువ హీరో ఎవరూ లేరు అని చెప్పొచ్చు. అతని సాటి హీరోలు కూడా చిరంజీవిని అభిమానిస్తారు. అంతలా చిరంజీవి వారి మీద తన ప్రభావం చూపించారు. అయితే అలాంటి చిరంజీవి మరో స్టార్ హీరోకి అభిమానిగా నటిస్తే.. వినడానికి కొత్తగా ఉంది కానీ.. ఇది జరిగిపోయింది అని కూడా అంటున్నారు. తన రాబోయే సినిమాలో ఓ స్టార్ హీరో అందులోనూ తన కుటుంబంలోని స్టార్ హీరోకే చిరు అభిమానిగా నటిస్తున్నారట.
మెహర్‌ రమేశ్‌ దర్శకత్వంలో చిరంజీవి ‘భోళా శంకర్‌’ అనే సినిమాలో నటిస్తున్న విషయం తెలిసిందే. ఈ సినిమా కోసం ఇటీవల ఓ కామెడీ ట్రాక్‌ రాసుకున్నారట. ఇటీవల దాని చిత్రీకరణ కూడా జరిగిందట. అదే ‘ఖుషీ’ ఇంటర్వెల్‌ ట్రాక్‌. అదేంటి పవన్‌ కల్యాణ్‌కి చిరంజీవి అభిమానిగా కనిపిస్తాడా? అనే డౌట్‌ వస్తోందా? మీకేం డౌట్‌ అక్కర్లేదండీ.. ఎందుకంటే పవన్‌ సీన్స్‌ను చిరంజీవి ఇమిటేట్‌ చేయబోతున్నాడట. అంతేకాదు పవన్‌ బ్లాక్‌ బస్టర్‌ సాంగ్‌కి చిరంజీవి డ్యాన్స్‌ కూడా చేస్తాడట.
అయితే ఈ సీన్స్‌ చిరంజీవి – తమన్నా మీద ఉండవు అని అంటున్నారు. ఈ సినిమాలో యాంకర్‌ / నటి శ్రీముఖి ముఖ్య పాత్ర పోషిస్తున్నారు. ఆమెతో చిరంజీవి సరదా ‘ఖుషి’ నడుము సీన్‌ని రిపీట్‌ చేయబోతున్నారట. సినిమా కోల్‌కతా నేపథ్యంలో సాగనుండటంతో ‘ఖుషి’ సినిమాను ఎంచుకున్నారు అని తెలుస్తోంది. నిజానికి ‘ఖుషి’ సినిమాలో చిరంజీవి ప్రస్తావన ఉంటుంది. ఇప్పుడు చిరంజీవి సినిమాలో ఖుషి ప్రస్తావన రాబోతోంది అన్నమాట.
అయితే ఈ విషయంలో కొంతమంది అభిమానులు మాత్రం డిఫరెంట్‌గా స్పందిస్తున్నారు. చిరంజీవికి ఎవరైనా అభిమానిగా ఉండాలి కానీ.. చిరంజీవి వేరేవాళ్లకు అభిమానిగా నటించడమేంటి? అందులోనూ పవన్‌కు ఫ్యాన్స్‌గా నటించడం ఏంటి అని అడుగుతున్నారు. అయితే చిరుకు లేని బాధ మీకేంటి అనే వాళ్లూ ఉన్నారు. పవన్‌ ఇప్పటికే చాలా సినిమాల్లో చిరంజీవి పేరును, నటనను ప్రస్తావించారు. ఇప్పుడు పవన్‌ ఫ్యాన్‌గా చిరంజీవి కనిపిస్తారు. తమ్ముడిలా అన్న నటిస్తే ఆనందపడాలి కానీ.. ఈ పంచాయితీ ఏంటి ఫ్యాన్స్‌ అనేవాళ్లూ ఉన్నారు.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home
