‘ఆచార్య’ మరింత ఆలస్యం.. కారణం అదే..?

‘ఆచార్య’ చిత్రాన్ని 100రోజుల్లో పూర్తిచేయాలని దర్శకుడు కొరటాల శివతో చిరంజీవి.. ‘సరిలేరు నీకెవ్వరు’ ప్రీ రిలీజ్ వేడుకలో మాట తీసుకున్న సంగతి తెలిసిందే. అయితే ఈ చిత్రం ప్రారంభమైనప్పటి నుండీ ఎన్నో ఆటంకాలు వాటిల్లాయి. మొదట ఎవ్వరూ ఊహించని విధంగా ఈ ప్రాజెక్టు నుండీ హీరోయిన్ త్రిష తప్పుకుంది. ఆ తరువాత కరోనా వల్ల లాక్ డౌన్ ఏర్పడటంతో షూటింగ్ వాయిదా పడింది. ఆగష్ట్ లో ఈ చిత్రం షూటింగ్ ను తిరిగి ప్రారంభించాలనుకున్నారు.

కానీ వర్కౌట్ కాలేదు. ఇప్పుడు షూటింగ్లకు కేంద్ర ప్రభుత్వం అనుమతులు ఇచ్చినప్పటికీ ‘ఆచార్య’ టీం ఇంకా రెడీ అవ్వడం లేదని తెలుస్తుంది. నిజానికి అక్టోబర్ చివరి వారం అంటే దసరా నుండీ మళ్ళీ షూటింగ్ ను తిరిగి ప్రారంభించాలి అని దర్శకనిర్మాతలు అనుకున్నారట. కానీ ఇప్పుడున్న పరిస్థితిని బట్టి చూస్తుంటే అది సాధ్యం అయ్యేలా కనిపించడం లేదని ఇన్సైడ్ టాక్.ముఖ్యంగా మెగాస్టార్ చిరంజీవి ఇప్పట్లో షూటింగ్ కు జాయినవ్వడానికి ఇంట్రెస్ట్ చూపించడం లేదట.

‘మరో రెండు నెలలు ఆగుదాం’ అన్నట్టు ఆయన దర్శకుడితో చెబుతున్నట్టు తెలుస్తుంది. అలా అయితే ‘ఆచార్య’ సమ్మర్ కు రావడం కూడా కష్టమే అనే టాక్ వినిపిస్తుంది. మరోపక్క చిరు.. మెహర్ రమేష్ తో ‘వేదాలం’ రీమేక్, అలాగే వినాయక్ తో ‘లూసిఫర్’ రీమేక్… దాంతో పాటు బాబీ డైరెక్షన్లో ఓ సినిమా చెయ్యడానికి కూడా కమిట్ అయిన విషయం కూడా తెలిసిందే.

Most Recommended Video

టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!