మెగా స్టార్ చిరంజీవి ప్రస్తుతం ‘సైరా నరసింహ రెడ్డి’ చిత్ర షూటింగ్ లో బిజీ గా ఉన్న సంగతి తెలిసిందే. చిరంజీవి 151 వ చిత్రంగా తెరకెక్కుతోన్న ఈ చిత్రాన్ని మెగా పవర్ స్టార్ రాంచరణ్ నిర్మిస్తుండగా సురేందర్ రెడ్డి దర్శకత్వం వహిస్తున్నారు. ఈ చిత్రం తరువాత కొరటాల శివ డైరెక్షన్లో ‘మెగాస్టార్ 152’ వ చిత్రం తెరకెక్కబోతోందంటూ గత కొంత కాలంగా వార్తలొస్తున్న సంగతి తెలిసిందే. అయితే తాజాగా ఆ ప్రాజెక్ట్ క్యాన్సిల్ అయ్యిందని… సో సూపర్ స్టార్ మహేష్ బాబుతో కొరటాల ఓ చిత్రం తీయబోతున్నారంటూ మరో వార్త వచ్చింది. ఇదిలా ఉంటే ఇప్పుడు మరో వార్త ఫిలింనగర్లో చక్కర్లు కొడుతుంది.
కొరటాల శివ ప్రస్తుతం ‘మెగాస్టార్ 152’ వ చిత్రం యొక్క స్క్రిప్ట్ పనిలోనే బిజీగా ఉన్నాడట . ఇప్పటికే ప్రీ ప్రొడక్షన్ పనులు స్టార్ట్ అయ్యాయని సమాచారం. జనవరిలో చివరి వారంలో ఈ చిత్రాన్ని లాంచ్ చేయబోతున్నట్టు టాక్ వినిపిస్తోంది. ప్రస్తుతం మెగాస్టార్ తో ‘సైరా’ లో నటిస్తున్న నయనతారనే హీరోయిన్ గా సెలెక్ట్ చేసే ఆలోచనలో ఉన్నారట. కొరటాల చిత్రాల్లో హీరోయిన్ కు ఎప్పుడూ మంచి ప్రాధాన్యత ఉంటుందనేది తెలిసిన విషయమే. అందుకే ఈ చిత్రంలో కూడా నయనతారను తీసుకుంటున్నారంటూ ఫిలింనగర్లో చెప్పుకొస్తున్నారు. ఈ చిత్రానికి సంబంధించి పూర్తి వివరాలు త్వరలో ప్రకటించబోతున్నట్టు సమాచారం. మరి ఇది నిజమో కాదో తెలియాలంటే.. మరి కొన్ని రోజులు వేచి చూడక తప్పదు.
Home