సెట్స్ లో చిరు సందడి!

మెగాస్టార్ చిరంజీవి ప్రతిష్టాత్మక చిత్రం “ఖైదీ నంబర్ 150” వేగంగా షూటింగ్ జరుపుకుంటోంది. మాస్ డైరక్టర్ వి.వి.వినాయక్ ఈ చిత్రాన్ని అభిమానుల అంచనాలకు మించి ఉండేలా తెరకెక్కిస్తున్నారు. మూడు రోజుల క్రితం విడుదలైన ఈ ఫిల్మ్ మొదటి లుక్ క్రేజ్ ని అమాంతం పెంచింది. ప్రస్తుతం ఈ మూవీ షూటింగ్ కి సంబంధించిన తాజా ఫోటోలు సోషల్ మీడియాలో లైకులు అందుకుంటోంది. ఇందులో చిరంజీవి టీషర్ట్ లో గ్లామరస్ గా కనిపిస్తున్నారు. పరిసరాలను గమనిస్తే విమానాశ్రయంలో సన్నివేశంలా కనిపిస్తోంది.

చిరు కారులో పయనిస్తున్న ఫోటో కూడా రివీల్ అయింది.  రైతుల కోసం పోరాడే వ్యక్తిగా మెగాస్టార్ నటిస్తున్న ఈ సినిమాను కొణిదెల ప్రొడక్షన్స్ బ్యానర్లో రామ్ చరణ్ తేజ్ ఎక్కడా కాంప్రమైజ్ కాకుండా నిర్మిస్తున్నారు. అందాల తార కాజల్ అగర్వాల్ చిరు తో రొమాన్స్ చేయనుంది. రాక్ స్టార్ దేవి శ్రీ ప్రసాద్ ఈ సినిమాకోసం పాటల కంపోజింగ్ లో బిజీగా ఉన్నారు. మాస్, క్లాస్ ప్రేక్షకులను అలరించేలా సాంగ్స్ అందివ్వడానికి శ్రమిస్తున్నాడు. తమిళ కత్తి చిత్రానికి రీమేక్ గా వస్తున్న ఈ సినిమాని సంక్రాంతికి రిలీజ్ చేయనున్నారు.