తొమ్మిదేళ్ల విరామం తర్వాత చిరు ‘ఖైదీ నెం 150’తో రీ ఎంట్రీ ఇవ్వనున్నారు. తమిళ చిత్రం ‘కత్తి’కి రిమేక్ గా తెరకెక్కుతోన్న ఈ సినిమా పనులు శరవేగంగా సాగిస్తున్నాయి. జూన్ చివరిలో మొదలైన ఈ సినిమా షూటింగ్ చిన్నపాటి విరామం మినహా వేగవంతంగానే జరుగుతుందట. తాజా సమాచారం ప్రకారం సినిమా నిర్మాణాంతర కార్యక్రమాలు కూడా మొదలయ్యాయట.ఇప్పటివరకు పూర్తయిన చిత్రీకరణలో చిరు తన పార్ట్ కు డబ్బింగ్ చెప్పడం ఆరంభించారు.
చిరు-కాజల్ కలయికలో ప్రస్తుతం కొన్ని సన్నివేశాలు చిత్రీకరిస్తున్నారు. ఓ వైపు షూటింగ్ చేస్తూనే మరో వైపు డబ్బింగ్ చెప్తుండటం విశేషం. మరో ఇదంతా చిరు తనయుడు, ఈ చిత్ర నిర్మాత రామ్ చరణ్ ప్రణాళికే అని తెలుస్తోంది. సినిమాని వీలైనంత త్వరగా పూర్తి చేస్తే ప్రచారానికి తగిన సమయం ఉంటుందని చెర్రీ సూచించాడట. ఇన్నేళ్ల విరామం తర్వాత చిరు సినిమా చేస్తున్నారు గనక ఆ సినిమా ప్రజల్లోకి బాగా తీసుకెళ్లాలని చిత్ర బృందం కూడా తీవ్రంగా శ్రమిస్తున్నారట. దీంతోపాటు చిరు వ్యాఖ్యాతగా వ్యవహరించనున్న “మీలో ఎవరు కోటీశ్వరుడు” కార్యక్రమం త్వరలో మొదలవనుంది. ఇవన్నీ దృష్టిలో పెట్టుకుని “ఖైదీ నెం 150” పనులను వేగవంతం చేశారట.
