చిరు టైటిల్ ఆదేనా..?

చిరంజీవి 150వ సినిమాకి క‌త్తిలాంటి టైటిల్ దొరికేసిందని ఫిల్మ్ నగర్ వర్గాల సమాచారం.ఇంతకీ ఆ టైటిల్ ఏంటి అనుకుంటున్నారా..? “ఖైదీ నెం.150”. ఈ సినిమాకి “క‌త్తిలాంటోడు” అనే పేరు పెట్టార‌ని నిన్నా మొన్న‌టి వ‌ర‌కూ ప్ర‌చారం జ‌రిగిన సంగ‌తి తెలిసిందే. అయితే ఈమ‌ధ్యే రామ్‌చ‌ర‌ణ్ ఆ విష‌యాన్ని ఖండించాడు. ఇంకా టైటిల్ ఏమీ అనుకోలేద‌ని, మంచి టైటిల్ కోసం అన్వేషిస్తున్నామని క్లారిటీ ఇచ్చాడు.

దాంతో కొత్త టైటిల్ ఏమిటి? అనే ఆస‌క్తి నెల‌కొంది. ఈనేప‌థ్యంలో ఇప్పుడు ఖైదీ నెం.150 టైటిల్ వినిపిస్తోంది. ఈ సినిమాలో చిరు రెండు పాత్ర‌ల్లో క‌నిపించ‌బోతున్నాడు. ఓ పాత్రలో ఖైదీ అన్న‌మాట‌. అందుకోస‌మే.. ఈ టైటిల్ పెట్టార‌ని టాక్‌. పైగా చిరంజీవికి ఖైదీ అనే ప‌దం బాగా అచ్చొచ్చింది కూడా. ఖైదీ, ఖైదీ నెం.786 సూప‌ర్ హిట్స్ అయ్యాయి. అందుకే ఈ టైటిల్ పెట్టే ఆలోచనలో ఉన్నట్లు సమాచారం..!