Shekar Master: సైలెంట్ గా సినిమా తీస్తోన్న టాప్ కొరియోగ్రాఫర్!

సౌత్ సినిమా ఇండస్ట్రీలో ఉన్న టాప్ కొరియోగ్రాఫర్స్ చాలా మంది దర్శకులుగా మారిన సంగతి తెలిసిందే. కొందరు హీరోలుగా కూడా రాణిస్తున్నారు. ప్రభుదేవా, రాఘవ లారెన్స్, అమ్మ రాజశేఖర్ వంటి వారు కొరియోగ్రాఫర్లుగా మంచి గుర్తింపుని, స్టైల్ ని సంపాదించుకున్న తరువాత దర్శకులుగా మారారు. ప్రభుదేవా తెలుగు, తమిళ, హిందీ భాషల్లో దర్శకుడిగా హీరోగా పేరు సంపాదించుకున్నారు. ఇప్పుడు డైరెక్టర్ గా కొనసాగుతున్నారు. రాఘవ లారెన్స్ కూడా దర్శకుడిగా మంచి పేరు తెచ్చుకున్నారు.

ప్రస్తుతం ఆయన హీరోగా, డైరెక్టర్ గా కెరీర్ కంటిన్యూ చేస్తున్నారు. రీసెంట్ గా మరో డాన్స్ మాస్టర్ బృంద డైరెక్టర్ గా తన అదృష్టాన్ని పరీక్షించుకోవడం మొదలుపెట్టింది. దర్శకురాలిగా ‘హే సినామిక’ అనే సినిమాను తెరకెక్కించింది. ఈ సినిమా ఓ వర్గం ఆడియన్స్ ను ఆకట్టుకుంది. ప్రస్తుతం ఈమె ‘కోనసీమ థగ్స్’ అనే యాక్షన్ సినిమాను రూపొందిస్తోంది. ఈ సినిమాపై ఆమె కెరీర్ ఆధారపడి ఉంది. ఇదిలా ఉండగా.. ఇప్పుడు మరో కొరియోగ్రాఫర్ డైరెక్టర్ గా మారడానికి చూస్తున్నారు.

ఆయన మరెవరో కాదు.. శేఖర్ మాస్టర్. ఓంకార్ డైరెక్ట్ చేసిన పలు టీవీ షోలకు, డాన్స్ షోలకు జడ్జిగా వ్యవహరించారు శేఖర్ మాస్టర్. టాలీవుడ్ ఏదైనా పెద్ద సినిమా తెరకెక్కుతోందంటే.. కొరియోగ్రాఫర్ గా శేఖర్ మాస్టర్ ఉండాల్సిందే. స్టార్ హీరోలు సైతం శేఖర్ మాస్టర్ తో కలిసి వర్క్ చేయాలనుకుంటారు. డాన్స్ మాస్టర్ గా తనకున్న అనుభవంతో ఓ కథను సిద్ధం చేసుకొని దర్శకుడిగా తెరంగేట్రం చేయడానికి రెడీ అవుతున్నారు శేఖర్ మాస్టర్.

ఇప్పటికే షూటింగ్ మొదలుపెట్టారని.. ఫస్ట్ కాపీ వచ్చిన తరువాతే మీడియా ముందుకు రావాలని భావిస్తున్నారట. మొత్తానికి సైలెంట్ గా సినిమాను పూర్తి చేసి.. దర్శకుడిగా ఆడియన్స్ ను సర్ప్రైజ్ చేయాలనుకుంటున్నారు శేఖర్ మాస్టర్. మరి ఆయన ప్రయత్నం ఏమవుతుందో చూడాలి!

అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!

వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!