నాని (Nani) నటించిన క్రైమ్ థ్రిల్లర్ ‘హిట్: ది థర్డ్ కేస్’ (హిట్ 3) (HIT: The Third Case) ఇప్పుడు చిక్కుల్లో పడింది. సినిమా బాక్సాఫీస్ దగ్గర రూ.65 కోట్ల బడ్జెట్‌తో తెరకెక్కి, ఏకంగా రూ.120 కోట్లు కొల్లగొట్టి సూపర్ హిట్ అయినా, ఇప్పుడు కాపీరైట్ వివాదంలో చిక్కుకోవడం షాకిచ్చే అంశం. విమల్ అనే ఓ రచయిత, తన కథను కాపీ కొట్టారంటూ మద్రాస్ హైకోర్టులో పిటిషన్ వేశాడు.
తన ‘ఏజెంట్ 11 అండ్ ఏజెంట్ వి’ అనే టైటిల్‌తో ఒక కథను రాసుకుని, దాన్ని 2021, ఆగస్టు 4న సౌత్ ఇండియన్ ఫిల్మ్ రైటర్స్ అసోసియేషన్‌లో అధికారికంగా రిజిస్టర్ కూడా చేయించుకున్నాడట. సరిగ్గా ఏడాది తర్వాత, 2022, ఆగస్టు 8న, ఆ స్టోరీ సినాప్సిస్‌ని నేరుగా హీరో నాని (Nani) కి పంపించి, ఆయనతో కలిసి పనిచేయాలనే తన కోరికను వ్యక్తం చేశారట. అయితే, నాని నుంచి ఎలాంటి రెస్పాన్స్ రాలేదట.
ఇప్పుడు ‘హిట్ 3’ (HIT: The Third Case) సినిమా చూశాక విమల్‌కి మైండ్ బ్లాంక్‌ అయిందంట. తన ఒరిజినల్ కథ, క్యారెక్టర్లు, వాటి డెవలప్‌మెంట్… అన్నీ ‘హిట్ 3′(HIT: The Third Case) లో అచ్చుగుద్దినట్టు ఉన్నాయని అతను పిటిషన్లో పేర్కొన్నాడు. అక్కడక్కడా చిన్న చిన్న చేంజెస్ చేసి, తన స్క్రిప్ట్‌నే సీన్ టు సీన్ వాడేశారని, ఇది పక్కా కాపీరైట్ దొంగతనమేనని విమల్ ఆవేదన వ్యక్తం చేస్తున్నాడు. దీనిపై విమల్ డైరెక్ట్‌గా మద్రాస్ హైకోర్టు తలుపు తట్టాడు.
సినిమా రైట్స్ అమ్మకాలపై వెంటనే స్టే ఇవ్వాలని, సినిమాకు వచ్చిన లాభాల్లో 20% తనకు కాంపెన్సేషన్‌గా ఇప్పించాలని, అసలు సినిమాకు ఎంత వసూలొచ్చిందో మొత్తం లెక్కలు చూపించాలని డిమాండ్ చేశాడు. టైం లేదని, ఈ కేసులో మధ్యవర్తిత్వం లాంటివి వద్దే వద్దని కూడా కోర్టుకు విన్నవించుకున్నాడు.దీంతో, రంగంలోకి దిగిన జస్టిస్ సెంథిల్‌కుమార్ రామమూర్తి, ‘హిట్ 3’ (HIT: The Third Case) నిర్మాతలకు నోటీసులు పంపారు. 2025, జులై 7లోగా దీనిపై క్లారిటీ ఇవ్వాలని ఆదేశిస్తూ.. కేసును వాయిదా వేశారు. మరి ఈ ఇష్యూ నుండి నాని (Nani) అండ్ ‘హిట్ 3’ టీం ఎలా బయటపడుతుందో చూడాలి
Home