నటుడు, నిర్మాత బండ్ల గణేష్ నేడు ఓ క్రేజీ న్యూస్ పంచుకున్నారు. సోషల్ మీడియా వేదికగా పవర్ స్టార్ పవన్ కళ్యాణ్ తో మూవీ చేయన్నట్లు ప్రకటించారు. బాస్ మూవీకి ఒకే చెప్పారని, ఆ దేవుడి దయతో కలిసి మూవీ చేయబోతున్నాం, అని తన ఆనందాన్ని ట్విట్టర్ ద్వారా పంచుకున్నారు. బండ్ల గణేష్ ప్రకటన పవన్ ఫ్యాన్స్ లో జోష్ నింపింది. గబ్బర్ సింగ్ మ్యాజిక్ రిపీట్ చేయాలని వారు కోరుకున్నారు. ఐతే ఈ చిత్ర దర్శకుడు, సాంకేతిక నిపుణుల వివరాలు బండ్ల గణేష్ ప్రకటించలేదు.
బండ్ల పవన్ తో చేయనున్న ఆ ప్రాజెక్ట్ డైరెక్టర్ ఎవరనే మీమాంస ఫ్యాన్స్ లో మొదలైపోయింది. కాగా ఈ ప్రాజెక్ట్ పై ఓ క్రేజీ బజ్ టాలీవుడ్ లో చక్కర్లు కొడుతుంది. అప్పట్లో మాటలమాంత్రికుడు త్రివిక్రమ్ మిత్రుడు పవన్ కళ్యాణ్ తో కోబలి అనే ఓ భారీ బడ్జెట్ మూవీ ప్లాన్ చేశారు. చాలా కాలం క్రితం ఈ మూవీ ప్రకటన కూడా జరిగి మధ్యలో ఆగిపోయింది. సోషియో ఫాంటసీ కథతో ఓ భిన్నమైన సబ్జెక్టుతో త్రివిక్రమ్ ఆ చిత్రం తెరకెక్కించాలని అనుకున్నారు.
ఈ మధ్య త్రివిక్రమ్, పవన్ ఆ మూవీ పట్టాలెక్కించే ఆలోచనలో ఉన్నట్లు వార్తలు వచ్చాయి. బండ్ల గణేష్ పవన్ తో చేయనున్న ప్రాజెక్ట్ ఇదే కావచ్చనే ఊహాగానాలు మొదలైపోయాయి. త్రివిక్రమ్ ఎన్టీఆర్ తో మూవీ పూర్తి చేయాల్సివుండగా, పవన్ వకీల్ సాబ్ తో పాటు మరో మూడు చిత్రాలలో నటించాల్సి ఉంది. కాబట్టి ఎన్టీఆర్ మూవీ తరువాత త్రివిక్రమ్ కోబలి ప్రీ ప్రొడక్షన్ పూర్తి చేసి, పవన్ మూడు ప్రాజెక్ట్స్ పూర్తి చేసిన తరువాత కోబలి సెట్స్ పైకి తీసుకెళ్లాలని అనుకుంటున్నారట. మరి ఇదే కనుక జరిగితే పవన్ ఫ్యాన్స్ కి పండగే అని చెప్పాలి.
Most Recommended Video
బిగ్బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
