వరుస ప్లాప్ లతో డీలా పడ్డ షారుఖ్ ఖాన్ దాదాపు నాలుగేళ్ల తరువాత ‘పఠాన్’ సినిమాతో ప్రేక్షకుల ముందుకొచ్చారు. ఈ సినిమాకి డివైడ్ టాక్ వచ్చినప్పటికీ.. కలెక్షన్స్ పరంగా మాత్రం దూసుకుపోతుంది. ఈ విషయంలో నార్త్ డిస్ట్రిబ్యూటర్స్ తెగ ఆనందపడిపోతున్నారు. నాలుగు రోజులుగా హౌస్ ఫుల్ కలెక్షన్స్ తో థియేటర్ల వద్ద సందడి వాతావరణం కనిపిస్తుంది. రోజుకి కనీసం వంద కోట్లయినా కలెక్ట్ చేస్తుంది ‘పఠాన్’ సినిమా. ముంబై, పూణే లాంటి సిటీల్లో అదనపు షోలు కూడా పడుతున్నాయి.
ఈ సినిమాకి వచ్చిన క్రేజ్, కలెక్షన్స్ షారుఖ్ ఖాన్ నెక్స్ట్ సినిమాకి హెల్ప్ అవుతున్నాయి. తమిళ దర్శకుడు అట్లీ రూపొందిస్తోన్న ‘జవాన్’ అనే సినిమాలో షారుఖ్ ఖాన్ నటిస్తోన్న సంగతి తెలిసిందే. ఇంకా ఈ సినిమా షూటింగ్ పూర్తి కాలేదు. కానీ ఇప్పటినుంచే సినిమా థియేట్రికల్ రైట్స్ అండ్ శాటిలైట్ రైట్స్ కోసం ఎగబడుతున్నారు. ఆల్రెడీ డిజిటల్ రైట్స్ అమ్మేశారు కాబట్టి దానికి సంబంధించిన ఎలాంటి ప్రెషర్ లేదు.
కానీ ఓవర్సీస్ రైట్స్ కోసం వస్తోన్న డిమాండ్ చూసి ‘జవాన్’ నిర్మాతలు కూడా షాక్ అవుతున్నారట. ముందు వేసుకున్న లాభాల లెక్కలకు ఇప్పుడు వస్తోన్న ఆఫర్లను పోల్చి చూసుకుంటే కనీసం 30 నుంచి 50 శాతం వరకు అదనంగా రాబడి పెరగనున్నట్లు ముంబై మీడియా వర్గాల సమాచారం. ఈ సినిమాలో షారుఖ్ ఖాన్ డ్యూయల్ రోల్ చేస్తున్నట్లు తెలుస్తోంది. షారుఖ్ సరసన హీరోయిన్ గా నయనతార కనిపించనుంది.
విలన్ పాత్రలో కోలీవుడ్ స్టార్ విజయ్ సేతుపతిని తీసుకున్నారు. అలానే స్టార్ హీరో విజయ్ క్యామియో రోల్ చేస్తున్నారు. దీనికి సంబంధించిన షూటింగ్ కూడా పూర్తయింది. అనిరుద్ రవిచందర్ ఈ సినిమాకి మ్యూజిక్ అందిస్తున్నారు. సినిమాలో ఇన్ని ప్రత్యేకతలు ఉండడంతో బయ్యర్లు ఈ సినిమా రైట్స్ కోసం ఎగబడుతున్నారు. ఈ సినిమాను హిందీతో పాటు సౌత్ లో అన్ని భాషల్లో రిలీజ్ చేయనున్నారు.
2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!
షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?
