Dacoit Trailer: ‘డెకాయిట్’ ట్రైలర్ రివ్యూ …’అందరూ మహేష్ బాబులైపోదామనే’

దాదాపు 4 ఏళ్ళ గ్యాప్ తర్వాత అడివి శేష్ (Adivi Sesh) హీరోగా వస్తున్న సినిమా సినిమా ‘డెకాయిట్’. ఇది ఒక యాక్షన్ అండ్ రొమాంటిక్ థ్రిల్లర్ మూవీ. మృణాల్ ఠాకూర్ హీరోయిన్ గా నటించిన ఈ సినిమాలో అనురాగ్ కశ్యప్, ప్రకాష్ రాజ్, సునీల్, అతుల్ కుల్కర్ణి వంటి స్టార్స్ కూడా అత్యంత కీలక పాత్రలు పోషించారు. ఏప్రిల్ 10న ప్రేక్షకుల ముందుకు రానుంది ఈ చిత్రం. ప్రమోషన్స్ లో భాగంగా విడుదల చేసిన టీజర్, పాటలు వంటివి ఇంప్రెస్ చేశాయి. పైగా అడివి శేష్ సినిమా అంటే మినిమం గ్యారెంటీ అని అటు ట్రేడ్ వర్గాలు ఇటు ఇండస్ట్రీ వర్గాలు కూడా అభిప్రాయ పడుతుంటాయి.

Dacoit Movie Trailer

అందులోనూ మేజర్ తో అతనికి పాన్ ఇండియా ఇమేజ్ వచ్చింది కాబట్టి.. డెకాయిట్ ను కూడా పాన్ ఇండియా లెవెల్లో విడుదల చేయబోతున్నారు. డెకాయిట్ ట్రైలర్ విషయానికి వస్తే… ఇది 2 నిమిషాల 23 సెకన్ల నిడివి కలిగి ఉంది. హరి పాత్రలో హీరో అడివి శేష్, జూలియట్ పాత్రలో మృణాల్ ఠాకూర్ కనిపించనున్నారు. ఇద్దరూ ప్రేమలో ఉండటం తర్వాత.. ఊహించని విధంగా అతను జైలు పాలవడం, అదే సమయంలో తనకి సంబంధం లేదు అన్నట్టు హీరోయిన్ తప్పించుకోవడం వంటి విషయాలు గమనించవచ్చు.

మరోవైపు మృణాల్ ఠాకూర్ ఓ పాపకి జన్మనివ్వడం, ఆమె అనారోగ్యం పాలవడం. ఆమె వైద్యం కోసం కోట్లు అవసరం పడటం, అందుకోసం తనని చంపేయాలని వచ్చిన హరి సాయంతో ఓ పెద్ద దొంగతనానికి పాల్పడటం.. ఈ క్రమంలో వచ్చే యాక్షన్ సీక్వెన్స్ ..లు , కార్ చేజ్ ..లు వంటివి అలరించే విధంగా కనిపిస్తున్నాయి. అలాగే ‘అందరూ మహేష్ బాబులైపోదామనే’ అనే డైలాగ్ హైలెట్ గా నిలుస్తుంది.మీరు కూడా ఓ లుక్కేయండి..

‘రామాయణ’ నుంచి అదిరిపోయే సర్ప్రైస్.. డ్యూయల్ రోల్ లో ఎవరంటే ?