Allu Arjun, Jr NTR: బన్నీ.. తారక్ పై స్టార్‌హీరోయిన్‌ ప్రశంసలు!

February 11, 2022 / 08:17 PM ISTByFilmy Focus

Join Us

Allu Arjun, Jr NTR: బన్నీ.. తారక్ పై స్టార్‌హీరోయిన్‌ ప్రశంసలు!

బాలీవుడ్‌ హీరోయిన్‌ ఎవరైనా టాలీవుడ్‌ స్టార్‌ హీరోను పొగిడితే.. వెంటనే రెండు జరుగుతాయి. ఒకటి ఆ హీరో ఫ్యాన్స్‌ ఫుల్‌ ఖుష్‌ అవుతారు. రెండు ఆ హీరోయిన్‌ … ఆ హీరో నెక్స్ట్‌ సినిమాలో నటించాలి అని పట్టపట్టేస్తారు. గతంలో చాలామంది బాలీవుడ్‌ భామల విషయంలో ఇది జరిగింది. అందులో ఒకటి రెండు కుదిరాయి, ఇంకొన్ని కుదిరే దశలో ఉన్నాయి. ఇప్పుడు కుదరాల్సిన జాబితాలోకి మరో హీరోయిన్‌ వచ్చింది చేరింది. ఆమెనే దీపికా పడుకొణె.

Click Here To Watch

అవును… దీపిక పడుకొణె ఇద్దరు టాలీవుడ్‌ స్టార్లను తెగ మెచ్చేసుకుంది. వాళ్లతో నటించాలని ఉంది అంటూ మనసులో మాట కూడా చెప్పేసింది. దీంతో ఇప్పుడు ఆ కామెంట్స్ సోషల్‌ మీడియాలో వైరల్‌గా మారాయి. దీపిక నటించిన ‘గెహ్రాహియా’ సినిమా విడుదల సందర్భంగా దీపిక మీడియాతో మాట్లాడింది. ఈ క్రమంలోనే టాలీవుడ్‌ స్టార్ల గురించి చర్చ వచ్చింది. ప్రస్తుతం దీపిక ప్రభాస్‌తో ‘ప్రాజెక్ట్‌ కె’ (వర్కింగ్‌ టైటిల్‌) అనే సినిమా చేస్తున్న విషయం తెలిసిందే. దీంతో ఆమె టాలీవుడ్‌ హీరోల గురించి ఏమనుకుంటుందో అనే ఆసక్తి అయితే ఉంది.

‘ప్రాజెక్ట్‌ కె’ కోసం ప్రభాస్‌తో కలసి స్క్రీన్‌ షేర్‌ చేసుకోవడం చాలా సంతోషంగా ఉంది అని చెప్పింది. మరి తెలుగులో మీకు బాగా నచ్చిన హీరోలు ఎవరు? అని అడగ్గా… ‘పుష్ప’ స్టార్‌ అల్లు అర్జున్‌, ‘ఆర్‌ఆర్‌ఆర్‌’ హీరో ఎన్టీఆర్‌ అంటే చాలా అభిమానం అని చెప్పింది. తారక్‌ చాలా మంచి వ్యక్తి, ఆయన పర్‌ఫార్మెన్స్‌, డైలాగ్‌ డెలివరీ చాలా బాగుంటాయి. తారక్‌ను చూసి నేను చాలా స్ఫూర్తి పొందాను అని కూడా చెప్పింది దీపిక. అలాగే రాజమౌళి దర్శకత్వంలో ఓ సినిమా కూడా చేయాలని ఉంది అని చెప్పింది.

దీంతో ఇప్పుడు తెలుగు దర్శక నిర్మాతలు ఈ దిశగా ఆలోచించుకోవాల్సిందే. తారక్‌, అల్లు అర్జున్‌ సినిమాలకు సంబంధించి ఏదైనా మంచి కథ ఉంటే దీపికను సంప్రదించొచ్చు. అలాగే రాజమౌళి కూడా తన తర్వాతి సినిమాకు దీపిక పడుకొణె పేరు పరిశీలించొచ్చు. మరి ఆమె ఓకే చేస్తుందా? లేక అప్పటి పరిస్థితులకు తగ్గట్టుగా నిర్ణయం తీసుకుంటుందా అనేది చూడాలి. నచ్చారు కదా అని ఎలాంటి కథ పడితే అలాంటి కథ ఓకే చేసే రకం కాదు దీపిక.