Deva Review in Telugu: దేవా సినిమా రివ్యూ & రేటింగ్!

Name: దేవా
Director: రోషన్ ఆండ్రూస్
Released: 2025-01-31 16:36:58 +05:30
Cast: షాహిద్ కపూర్, పూజా హెగ్డే, పవైల్ గులాటి, ప్రవేశ్ రాణా తదితరులు..

January 31, 2025 / 04:36 PM ISTByDheeraj Babu

Deva Review in Telugu: దేవా సినిమా రివ్యూ & రేటింగ్!

Cast & Crew

షాహిద్ కపూర్ (Hero)
పూజా హెగ్డే (Heroine)
పవైల్ గులాటి, ప్రవేశ్ రాణా తదితరులు.. (Cast)
రోషన్ ఆండ్రూస్ (Director)
సిద్ధార్థ్ రాయ్ కపూర్ - ఉమేష్ కె.ఆర్ బన్సల్ (Producer)
జేక్స్ బిజోయ్ - విశాల్ మిశ్రా (Music)
అమిత్ రాయ్ (Cinematography)
Release Date : జనవరి 31, 2025
జీ స్టూడియోస్ - రాయ్ కపూర్ ఫిల్మ్స్ (Banner)

2013లో కేరళలో చిన్నపాటి సెన్సేషన్ క్రియేట్ చేసిన సినిమా “ముంబై పోలీస్”. పృథ్వీరాజ్ సుకుమారన్ ప్రధాన పాత్ర పోషించిన ఈ చిత్రంలో హీరో, ముఖ్యంగా పోలీస్ ఆఫీసర్ ను స్వలింగ సంపర్కుడిగా చూపించడాన్ని అప్పటి మీడియా & గవర్నమెంట్ తీవ్రస్థాయిలో రెస్పాండ్ అయ్యింది. ఆ సినిమాను తెలుగులో సుధీర్ బాబు “హంట్” (2023) అంటూ రీమేక్ చేసి చేతులు కాల్చుకోగా.. ఇప్పుడు అదే కథకు చిన్నపాటి మార్పులు చేసి “దేవా” (Deva) గా తెరకెక్కించాడు మలయాళ మాతృక దర్శకుడు రోషన్ ఆండ్రూస్ (Rosshan Andrrews). షాహిద్ కపూర్ (Shahid Kapoor) టైటిల్ పాత్రలో నటించిన ఈ చిత్రంలో పూజా హెగ్డే (Pooja Hegde) కథానాయిక. మరి ఈ మలయాళం సినిమా హిందీ రీమేక్ ఎలా ఉందో చూద్దాం..!!

Deva Review

కథ: ఓ కేసును ఛేదించే క్రమంలో జరిగిన యాక్సిడెంట్ కారణంగా గతం మర్చిపోతాడు దేవా (షాహిద్ కపూర్). ఆ కేసును మళ్లీ ఇన్వెస్టిగేట్ చేయడం మొదలుపెడతాడు. ఆల్రెడీ గతం మర్చిపోవడం, ఛేదించిన కేసులో కీలకమైన విషయాలు మిస్ అవ్వడం కారణంగా బోలెడంత కన్ఫ్యూజన్ మొదలవుతుంది.

ఈ క్రమంలో దేవా ఆ కేసును ఎలా ఇన్వెస్టిగేట్ చేశాడు? తన ప్రాణ మిత్రుడ్ని చంపిందెవరో కనుక్కోగలిగాడా? ఈ క్రమంలో ఎదుర్కొన్న ఇబ్బందులేమిటి? వంటి ప్రశ్నలకు సమాధానమే “దేవా” చిత్రం.

నటీనటుల పనితీరు: విలనీ షేడ్ కలిగిన పోలీస్ ఆఫీసర్ గా ఫుల్ ఎనర్జీతో దేవ పాత్రకి పూర్తిస్థాయి న్యాయం చేశాడు షాహిద్ కపూర్. ముఖ్యంగా క్యారెక్టర్లో కనిపించే మూడు డిఫరెంట్ వేరియేషన్స్ ను చక్కగా పండించాడు షాహిద్. కీలకమైన పాత్రలో పవైల్ గులాటి ఆకట్టుకోగా.. డేరింగ్ జర్నలిస్ట్ గా పూజా హెగ్డే తక్కువ స్క్రీన్ టైమ్ లో అలరించే ప్రయత్నం చేసింది.

సాంకేతికవర్గం పనితీరు: జేక్స్ బిజోయ్ (Jakes Bejoy) నేపథ్య సంగీతం ఈ సినిమాకి మంచి ఎస్సెట్. ఎలివేషన్స్ & టెన్షన్ ను తన బ్యాగ్రౌండ్ స్కోర్ తో బాగా ఎలివేట్ చేసాడు. పాటలు పర్వాలేదు అనిపించేలా ఉన్నాయి. అమిత్ రాయ్ (Amit Roy) సినిమాటోగ్రఫీ వర్క్, ముఖ్యంగా ఇంటర్వెల్ బ్లాక్ మంచి మాసీ ఫీల్ ఇచ్చాయి. శ్రీకర్ ప్రసాద్ (Akkineni Sreekar Prasad)ఎడిటింగ్ టెక్నిక్ సినిమాకి మంచి ప్లస్ అయ్యింది. ఎందుకంటే.. తెలిసిన కథను కాస్త ఆసక్తికరంగా నడిపించడంలో హెల్ప్ అయ్యింది.

ఇక రోషన్ ఆండ్రూస్ తన బాలీవుడ్ డెబ్యూకి కొత్త కథను కాకుండా.. 2013లో తాను తెరకెక్కించిన “ముంబై పోలీస్”ను ఎందుకు ఎంచుకున్నాడో అర్థం కాలేదు. స్క్రీన్ ప్లే & సీన్ కంపోజిషన్ పరంగా చెప్పుకోదగ్గ మార్పులు ఉన్నప్పటికీ.. అదే సినిమాను మళ్లీ తీయడం ఎందుకు అనేది పెద్ద ప్రశ్న. అయితే.. ముంబై పోలీస్ అప్పట్లో సెన్సేషన్ క్రియేట్ చేయడానికి ముఖ్యకారణమైన గే యాంగిల్ ను సినిమా నుండి తొలగించి ఇన్ఫార్మర్ యాంగిల్ ని ఇరికించడంతో.. సినిమా సోల్ మిస్ అయ్యింది.

దాంతో.. షాహిద్ ఎంత బాగా నటించినా ఆ పాత్ర తాలూకు ఎమోషన్ తో ట్రావెల్ అవ్వలేం. అది సరిపోదన్నట్లు.. ఎండింగ్ లో మళ్లీ జైల్ ఎలివేషన్ ఇరికించడం అనేది అస్సలు సింక్ అవ్వలేదు. “సెల్యూట్, హౌ ఓల్డ్ ఆర్ యు?, ప్రతి పూవంకోళి” వంటి ఆసక్తికరమైన సినిమాలను తెరకెక్కించిన రోషన్ ఇలా తన ఓల్డ్ ఐడియా మీద ఎక్కువగా డిపెండ్ అయ్యి.. ఫెయిల్ అవ్వడం అనేది బాధాకరం.

విశ్లేషణ: కీలకమైన ట్విస్టును మార్చి రీమేక్ చేయడం అనేది ఎప్పడు అంగీకరించాలంటే.. ఒరిజినల్ ట్విస్ట్ కంటే ఈ కొత్త ఆలోచన బాగున్నప్పుడు. కానీ.. ఒరిజినల్ ట్విస్ట్ ఏమో అద్భుతంగా ఉంది, రీమేక్ లో కేవలం హీరో ఇమేజ్ కోసం దాన్ని మార్చడం, అది కూడా పేలవంగా ఉండడం అనేది సమంజసం కాదు. “దేవా” విషయంలో అదే జరిగింది. సినిమాకి ప్రాణమైన ట్విస్ట్ ను మార్చి తెరకెక్కించడంతో.. క్యారెక్టరైజేషన్ ఎంత బాగున్నా, ఓవరాల్ గా సినిమా ఆకట్టుకోలేకపోయింది.