యంగ్ టైగర్ జూనియర్ ఎన్టీఆర్ (Jr NTR) , కొరటాల శివ (Koratala Siva) కాంబినేషన్ లో తెరకెక్కిన దేవర (Devara) మూవీ రిలీజ్ కు సరిగ్గా రెండు నెలల సమయం మాత్రమే ఉంది. అయితే ఈ సినిమా సెకండ్ సింగిల్ కు సంబంధించిన అప్ డేట్ ఇంకా రాకపోవడం ఫ్యాన్స్ ను ఒకింత కంగారు పెడుతోంది. ఆగష్టు 2 లేదా 3 తేదీలలో దేవర సెకండ్ సింగిల్ ఎప్పుడు విడుదల కానుందో అధికారికంగా వెల్లడి కానుంది. ఆగష్టు సెకండ్ వీక్ లో ఈ సాంగ్ రిలీజయ్యే అవకాశాలు ఉన్నాయి.
టీ సిరీస్ సౌత్ సోషల్ మీడియా ద్వారా త్వరలోనే దేవర సినిమా నుంచి లవ్ సాంగ్ రిలీజ్ కానుందని పరోక్షంగా పేర్కొంది. మరోవైపు శేఖర్ మాస్టర్ కొరియోగ్రాఫర్ గా దేవర సినిమాకు సంబంధించి ఒక సాంగ్ షూట్ జరగనుందని భోగట్టా. ఈ సాంగ్ డ్యాన్స్ అభిమానులను ఉర్రూతలూగించేలా ఉండనుందని సమాచారం అందుతోంది. దేవర సెకండ్ సింగిల్ కు ఎలాంటి రెస్పాన్స్ వస్తుందో చూడాల్సి ఉంది.
తెలుగులో అనిరుధ్ కెరీర్ ను డిసైడ్ చేసే మూవీ దేవర కావడంతో ఈ సినిమా విషయంలో అనిరుధ్ ఎన్నో జాగ్రత్తలు తీసుకుంటున్నారని భోగట్టా. దేవర1 బీజీఎం పనులు సైతం అనుకున్న విధంగా జరిగితే ఫ్యాన్స్ సంతోషానికి అవధులు ఉండవని చెప్పవచ్చు. దేవర సినిమా బడ్జెట్ ఏకంగా 300 కోట్ల రూపాయలు అనే సంగతి తెలిసిందే. అనిరుధ్ (Anirudh Ravichander) కెరీర్ విషయంలో ఆచితూచి అడుగులు వేస్తున్నారు.
అనిరుధ్ భాషతో సంబంధం లేకుండా కెరీర్ పరంగా సత్తా చాటాలని మరిన్ని మ్యూజికల్ హిట్లను ఖాతాలో వేసుకోవాలని ఫ్యాన్స్ కోరుకుంటున్నారు. ఇండియన్2 మూవీ విషయంలో ఎక్కువగా విమర్శలు వ్యక్తమైన నేపథ్యంలో అనిరుధ్ భవిష్యత్తు ప్రాజెక్ట్ లకు సంబంధించి ఆ విమర్శలు రాకుండా ప్లాన్ చేసుకుంటున్నారు. అనిరుధ్ పారితోషికం 10 కోట్ల రూపాయలకు అటూఇటుగా ఉండటం గమనార్హం.
Home