Devdatta Nage: మహేష్ రాజమౌళి మూవీలో పవర్ ఫుల్ రోల్ లో ఆ నటుడు.. కానీ?

మహేష్ (Mahesh Babu) రాజమౌళి (Rajamaouli) కాంబినేషన్ లో తెరకెక్కుతున్న సినిమాకు సంబంధించి రాజమౌళి నటుల ఎంపిక ప్రక్రియను మొదలుపెట్టారని తెలుస్తోంది. పాన్ ఇండియా స్థాయిలో గుర్తింపు ఉండటంతో పాటు క్రేజ్ అంతకంతకూ పెరుగుతుండటంతో రాజమౌళి తన సినిమాలకు సంబంధించి ఎన్నో జాగ్రత్తలు తీసుకుంటున్నారు. హాలీవుడ్ ఇండస్ట్రీ నుంచి ఆఫర్లు వచ్చినా వదులుకుని రాజమౌళి మహేష్ బాబుతో సినిమాను తెరకెక్కించే దిశగా అడుగులు వేస్తున్నారు. ఈ సినిమా బడ్జెట్ 1000 కోట్ల రూపాయలు అని వార్తలు వినిపిస్తుండగా నిర్మాత మాత్రం ఈ సినిమాకు సంబంధించి రాజీ పడకుండా నిర్మించడానికి సిద్ధమైనట్టు తెలుస్తోంది.

నిర్మాత కేఎల్ నారాయణ (K.L.Narayana) పలు యూట్యూబ్ ఛానెళ్లకు ఇంటర్వ్యూలు ఇవ్వడం ద్వారా ఈ సినిమాకు సంబంధించి షాకింగ్ విషయాలను వెల్లడించడం జరిగింది. జక్కన్న తాజాగా ఆదిపురుష్ (Adipurush) సినిమాలో హనుమంతుడి రోల్ లో నటించి మెప్పించిన దేవ్ దత్త నాగేను కలిశారు. ఆదిపురుష్ సినిమాకు సంబంధించి ఎన్నో విమర్శలు వ్యక్తమైనా దేవ్ దత్త నాగే నటనను మాత్రం విమర్శించలేదు. మహేష్ సినిమా కోసమే జక్కన్న ఈ నటుడిని కలిశారని వినిపిస్తోంది.

సినిమాలో పవర్ ఫుల్ రోల్ లో దేవ్ దత్త నాగే కనిపించే అవకాశాలు అయితే ఉన్నాయని కామెంట్లు వ్యక్తమవుతున్నాయి. అయితే అధికారికంగా ఇందుకు సంబంధించి క్లారిటీ వస్తే బాగుంటుందని చెప్పవచ్చు. మరో మూడు నెలల తర్వాత మహేష్ జక్కన్న కాంబో మూవీ షూట్ మొదలుకానుంది. ఇప్పటికే ఈ సినిమాకు సంబంధించిన పోస్ట్ ప్రొడక్షన్ పనులు సైతం మొదలయ్యాయనే సంగతి తెలిసిందే.

మహేష్ రాజమౌళి కాంబో మూవీ ఎప్పుడు రిలీజ్ అవుతుందో అనే చర్చ అభిమానుల మధ్య జరుగుతోంది. మహేష్ రాజమౌళి కాంబో మూవీ కోసం విదేశీ ప్రేక్షకులు సైతం ఆసక్తిగా ఎదురుచూస్తున్నారు. మహేష్ జక్కన్న కాంబినేషన్ మూవీ అన్ని వర్గాల ప్రేక్షకులను మెప్పించే మూవీ అవుతుందని నెటిజన్ల నుంచి అభిప్రాయాలు వ్యక్తమవుతున్నాయి.